ବାବା ସିଦ୍ଦିକିଙ୍କ ହତ୍ୟା ମାମଲାର ମୁଖ୍ୟ ସୁଟର ଗିରଫ

ବହୁ ଚର୍ଚ୍ଚିତ ବାବା ସିଦ୍ଦିକି ହତ୍ୟା ମାମଲାରେ ପୁଲିସକୁ ମିଳିଛି ବଡ ସଫଳତା । ଧରାପଡିଲା ମୁଖ୍ୟ ସୁଟର । ମୁମ୍ବାଇ ପୁଲିସ ଓ ଉତରପ୍ରଦେଶ ଏସଟିଏଫର ମିଳିତ ଟିମ ଶିବ କୁମାର ଗୌତମ ନାମକ ମାଷ୍ଟର ମାଇଣ୍ଡକୁ ଗିରଫ କରିଛି । ନେପାଳକୁ ଫେରାରହେବା ସମୟରେ ଶିବ ଗୌତମକୁ ଗିରଫ କରାଯାଇଛି । ଏଥିସହ ଫେରାର ପାଇଁ ସାହାଯ୍ୟ କରୁଥିବା ଅନ୍ୟ ୪ଜଣଙ୍କୁ ମଧ୍ୟ ମାଡି ବସିଛି ପୁଲିସ ।ସୂଚନା ଅନୁସାରେ ଗିରଫ ମାଷ୍ଟର ମାଇଣ୍ଡ ହେଉଛି ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ଭାଇ ତଥା ଅନ୍ୟତମ ଗ୍ୟାଙ୍ଗଷ୍ଟର ଅନମୋଲର ମୁଖ୍ୟ ସହଯୋଗୀ । ତେବେ କେମିତି ଏହି ମାଷ୍ଟରମାଇଣ୍ଡ ହତ୍ୟାକାଣ୍ଡ କରିଥିଲା ଏନେଇ ବିସ୍ତୁତ ସୂଚନା ଦେଇଛି ପୁଲିସ ।