Garvita Odiaଭୁବନେଶ୍ୱର : ବିଜେଡ଼ି ଓ ନବୀନଙ୍କର ପୋଲ୍ ଖୋଲି ଦେଇଛନ୍ତି ଦେବାଶିଷ ନାୟକ । ଏକ ସାକ୍ଷାତକାରରେ ଦେବାଶିଷ ଦେଇଥିବା ବିସ୍ଫୋରକ ମନ୍ତବ୍ୟ ଏବେ ବିଜେଡ଼ିରେ ଆଲୋଡ଼ନ ସୃଷ୍ଟିକରିଛି । ନବୀନ ଟ୍ରାପରେ ପଡ଼ିଯାଇଥିଲେ । ତାଙ୍କୁ ତାଲା ପକାଇ ରଖାଯାଇଥିଲା । ନ୍ୟୁନ କରି ଦେଖାଇବାକୁ ଷଡ଼ଯନ୍ତ୍ର କରାଯାଇଥିଲା । ପାଣ୍ଡିଆନ୍ ଓ ବବି ଏଜେନ୍ସୀ ବିଜେଡ଼ିକୁ ବୁଡ଼ାଇ ଦେଇଥିଲେ । ଯାହାଙ୍କ ବାପା ନବୀନଙ୍କୁ ଗାଳି ଦେଉଥିଲେ, ତାଙ୍କ ପୁଅ ମାମଲତି କଲେ । ୨୦୧୨ରେ ଜଣେ ବ୍ୟକ୍ତିଙ୍କ ପାଖରେ ୧୫୦ କୋଟିର ଦଳୀୟ ପାଣ୍ଠି ଥିଲା । ଏମିତି ଅନେକ ଗୁମର ଫିଟାଇଛନ୍ତି ଦେବାଶିଷ ।
ଦେବାଶିଷ କହିଛନ୍ତିଯେ, ଜୟଲଳିତା ସିଣ୍ଡ୍ରୋମ ଭଳି ନବୀନଙ୍କୁ ତାଲା ପକାଇ ରଖାଯାଇଥିଲା । ତାଙ୍କୁ କେବଳ ନନ୍ଦିଘୋଷ ଟିଭି ହିଁ ଦେଖା ଯାଉଥିଲା । ଅନ୍ୟ ଟିଭି କି ଚ୍ୟାନେଲ ତାଙ୍କୁ ଦେଖାଇ ଦିଆଯାଉନଥିଲା । କାଳେ କିଏ କଣ କହିଦେବେ ବୋଲି ତାଙ୍କୁ କାହା ସହ ମିଶିବାର ସୁଯୋଗ ଦିଆଯାଉନଥିଲା । ଏକଦା ଅଶୋକ ଦାସ ନବୀନ ପଟ୍ଟନାୟକଙ୍କୁ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ । ନବୀନ ବାବୁ ଏକଥା ଭଲଭାବେ ଜାଣିଛନ୍ତି । ହେଲେ ନବୀନ ବାବୁଙ୍କର କ’ଣ ହେଲା କେଜାଣି ସେମାନଙ୍କୁ ହିଁ ସବୁ ପ୍ରକାର ସୁଯୋଗ ଦେଲେ ।
