Garvita Odia
ନିମାପଡା : ନିମାପଡାରେ ବିଜେଡ଼ିର ଜନସଂପର୍କ ଅଭିଯାନ ପଦଯାତ୍ରା ଆରମ୍ଭ ହୋଇଛି। ଆସନ୍ତା ନଭେମ୍ବର ୨ ତାରିଖ ପର୍ଯ୍ୟନ୍ତ ଏହି ପଦଯାତ୍ରା ଚାଲିବ । ବିଜେଡି ବ୍ଲକ ସଭାପତି ଭାଗ୍ୟଧର ଖଟୋଇଙ୍କ ନେତୃତ୍ୱରେ ଆଜି ନିମାପଡାରେ ଜନ ସଂପର୍କ ଅଭିଯାନ ପଦଯାତ୍ରା ନିମାପଡା ଜୟଗୁରୁ ଆଶ୍ରମ ନିକଟରୁ ବାହାରି ବଜାର ପାରିକ୍ରମା କରି ବ୍ଲକ ଛକ ପର୍ଯ୍ୟନ୍ତ ଯାଇଥିଲା। ବଜାରର ବିଭିନ୍ନ ସ୍ଥାନରେ ଥିବା ବରପୁତ୍ର ମାନଙ୍କ ପ୍ରତିମୂର୍ତ୍ତିରେ ବିଜେଡି ନେତା ମାନେ ମାଲ୍ୟାର୍ପଣ କରିଥିଲେ। ତେବେ ଆଜିର ଉଦ୍ ଘାଟନ ଦଳର ଏହି ଜନ ସମ୍ପର୍କ ପଦଯାତ୍ରା ରେ ନିମାପଡ଼ା ବିଜେଡି ବିଧାୟକ ପ୍ରାର୍ଥୀ ଦିଲ୍ଲୀପ ନାୟକ ଓ ବିଜେଡି ନେତା ସୁବ୍ରତ ଛାଟୋଇଙ୍କୁ ଦେଖିବାକୁ ମିଳିନଥିଲା। କୁଆଡେ ଗଲେ ଏହି ଦୁଇ ନେତା ବୋଲି ଚର୍ଚ୍ଚା ହୋଇଥିଲା । ଠକେଇ ମାମଲାରେ ଗିରଫ ହୋଇ ଜେଲରେ ୧ ବର୍ଷ ଧରି ରହିବା ପରେ ନିକଟରେ ଦିଲ୍ଲୀପ ବେଲରେ ଆସିଛନ୍ତି। ଦିଲ୍ଲୀପ ଓ ସୁବ୍ରତଙ୍କ ମଧ୍ୟରେ ଶୀତଳ ଯୁଦ୍ଧ ଚାଲିଥିବା ନେଇ ଆଲୋଚନା ହେଉଛି। ଫଳରେ ନିମାପଡ଼ା ବିଜେଡ଼ିରେ ଫାଟ ଜଳ ଜଳ ହୋଇ ଦିଶୁଛି। ଆଗକୁ ଆସୁଛି ପଂଚାୟତ ଓ ଏନ୍ ଏସି ନିର୍ବାଚନ। ଦଳର ଜିଲ୍ଲା ଓ ରାଜ୍ୟ ନେତୃତ୍ବ କାହାକୁ ନିମାପଡ଼ା ଦାୟିତ୍ୱ ଦେଉଛନ୍ତି । ଅବଶ୍ୟ ଆଜିର ଏହି ଜନ ସମ୍ପର୍କ ଅଭିଯାନ ପଦଯାତ୍ରା ରେ ଦିଲ୍ଲୀପ ଓ ସୁବ୍ରତ ଙ୍କ କିଛି ସମର୍ଥକ ସାମିଲ୍ ହୋଇଥିବା ଦେଖିବାକୁ ମିଳିଥିଲା। ଏହି ପଦଯାତ୍ରାରେ ପୁରୀ ଜିଲ୍ଲା ବିଜେଡି ମହିଳା ସଭାନେତ୍ରୀ କସ୍ତୁରୀ ବାଳା ସ୍ୱାଇଁ, ଉପ ସଭାପତି ଅରୁଣ ପ୍ରସାଦ ଦାଶ, ସମ୍ପାଦକ ବିଜୟ ପଟ୍ଟନାୟକ, ଏନ ଏସି ଅଧ୍ୟକ୍ଷା ସସ୍ମିତା ସାହୁ, କାଉନସିଲର ଧନୁର୍ଦ୍ଧର ଦାସ, ଜିଲ୍ଲା ପରିଷଦ ସଭ୍ୟା କୁଞ୍ଜଲତା ସାମଲ,ଜିଲ୍ଲାପରିଷଦ ସଭ୍ୟ ରବିନ୍ଦ୍ରନାଥ ମଲ୍ଲିକ, ଏନ ଏସି ନେତା ଦିଲ୍ଲୀପ ପାତ୍ର, ମାନସ ପ୍ରଧାନ,ଗୟାଧର ବେହେରା,,ଆଇନଜୀବୀ ବଟକୃଷ୍ଣ ସାହୁ, ରବୀନ୍ଦ୍ର ଦାସ ,ଗୋପ ବ୍ଲକ ସଭାପତି ମହେଶ୍ୱର ସ୍ୱାଇଁ, ତପନ ବରିହା, ମିହିର କଲିମ ଅଲ୍ଲୀ, ପ୍ରବୋଧ କୁମାର ପରିଡା,ରାଜ୍ୟ ଯୁବ ସମ୍ପାଦକ ସୌମେନ ଦାଶ, ବ୍ଲକ ଯୁବ ସଭାପତି ରାକେଶ ସାହୁ, ଛାତ୍ରନେତା ଓଁକାର ମହାପାତ୍ର, ତପନ ପ୍ରଧାନଙ୍କ ସମେତ କର୍ମୀ ମାନେ ଯୋଗ ଦେଇଥିଲେ। ଏହି ଅବସରରେ ନିମାପଡା ସ୍ୱାସ୍ଥ୍ୟ କେନ୍ଦ୍ରରେ ରୋଗୀଙ୍କୁ ଫଳ ବଣ୍ଟନ କରାଯାଇଥିଲା। ଏକ ମାସ ଧରି ଚାଲିବାକୁ ଥିବା ଏହି ପଦଯାତ୍ରା ମାଧ୍ଯମରେ କେନ୍ଦ୍ର ଓ ରାଜ୍ୟରେ ଚାଲିଥିବା ଡବଲ ଇଞ୍ଜିନ ସରକାରର ବିଫଳତାକୁ ଜନ ସାଧାରଣ ଙ୍କୁ ଅବଗତ କରାଯିବ ବୋଲି ବିଜେଡ଼ି ନେତା ପ୍ରକାଶ କରିଛନ୍ତି। (ଫଟୋ)
