Garvita Odia
ରାଉରକେଲା: ୪ଟନ୍ ବିସ୍ଫୋରକ ଲୁଟ୍ ଘଟଣାର ତଦନ୍ତ ପାଇଁ ଏସଆଇଟି ଗଠନ ହେବ । ଏନେଇ ରାଉରକେଲା ଏସପି ନିତେଶ ୱାଧୱାନି ସୂଚନା ଦେଇଛନ୍ତି । ଅତିରିକ୍ତ ଏସପିଙ୍କ ନେତୃତ୍ୱରେ ଏସଆଇଟି ଗଠନ କରାଯିବା ବେଳେ ସେଥିରେ ୪ଜଣ ସଦସ୍ୟ ରହିବେ ବୋଲି ସୂଚନା ମିଳିଛି । ଝାଡଖଣ୍ଡ-ଓଡ଼ିଶା ସୀମା ବାଙ୍କୋ ଖଣି ଅଞ୍ଚଳରୁ ମାଓବାଦୀ ମାନେ ୪ଟନର ବିସ୍ଫୋରକ ଲୁଟ୍ ଘଟଣାରେ ଏଯାବତ ଟେର ପାଉନି ପୁଲିସ । ବିପୁଳ ବିସ୍ଫୋରକ ଜବତ ପାଇଁ କମ୍ବିଂ ଅପରେସନ ଜୋରଦାର ଚାଲିଛି । ଏନଆଇଏ ଟିମ୍ ମଧ୍ୟ ତନାଘନା କରୁଛନ୍ତି । ହେଲେ ଲୁଟର ୪ଦିନ ପରେ ବି କିଛି ସୁରାକ ମିଳିନାହିଁ । କେଉଁଭଳି ଭାବେ ମାଓବାଦୀ ମାନେ ପୁଲିସ ଆଖିରେ ଧୂଳି ଦେଇ ଏତେ ପରିମାଣରେ ବିସ୍ଫୋରକ ଲୁଟି ନେଇଗଲେ ତାହାକୁ ନେଇ ପ୍ରଶ୍ନ ଉଠିଛି । ବିସ୍ଫୋରକ ଠାବ ପାଇଁ ସୁରକ୍ଷା କର୍ମୀ, ପୁଲିସ ତିନି ରାଜ୍ୟ ଓଡ଼ିଶା, ଝାଡଖଣ୍ଡ, ପଶ୍ଚିମବଙ୍ଗ ପୁଲିସ ଜଙ୍ଗଲରେ ଛାନଭିନ କରୁଛନ୍ତି ।
