Garvita Odia
ନୂଆଦିଲ୍ଲୀ: ଦିଲ୍ଲୀ ଲାଲ୍ କିଲ୍ଲା ବିସ୍ଫୋରଣକୁ କେନ୍ଦ୍ର ସରକାର ଆତଙ୍କୀ ଆକ୍ରମଣ ବୋଲି ମାନିଛନ୍ତି। ବୁଧବାର ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ବୈଠକ ହୋଇଛି ଯେଉଁଥିରେ ଏହି ପ୍ରସ୍ତାବ ରଖାଯାଇଛି। କେନ୍ଦ୍ର ମନ୍ତ୍ରୀ ଅଶ୍ବିନୀ ବୈଷ୍ଣବ କେନ୍ଦ୍ରର ନିଷ୍ପତ୍ତିର ସୂଚନା ଦେଇ କହିଛନ୍ତି ଯେ ମୋଦୀ ସରକାର ଆତଙ୍କୀ ଘଟଣାକୁ ନେଇ ଶୂନ୍ୟ ସହନଶୀଳତା ନୀତି ଆପଣାଉଛନ୍ତି ଏବଂ ଦିଲ୍ଲୀ କାର୍ ବିସ୍ଫୋରଣ ଏକ ଜଘନ୍ୟ ଘଟଣା ବୋଲି କହିଛନ୍ତି। ଏହାର ଯାଞ୍ଚ ଆଦେଶ ଦିଆଯିବା ସହ ଦୋଷୀଙ୍କୁ ତୁରନ୍ତ ଦଣ୍ଡ ଦିଆଯିବ ବୋଲି ସେ ସୂଚନା ଦେଇଛନ୍ତି। ସରକାର ଏହା ଉପରେ କଡା ନଜର ରଖିଛନ୍ତି। ସୂଚନାଯୋଗ୍ୟ ଲାଲ୍ କିଲ୍ଲା ନିକଟରେ ହୋଇଥିବା ବିସ୍ଫୋରଣରେ ୧୨ ଜଣ ପ୍ରାଣ ହରାଇବା ସହିତ ଅନେକ ଆହତ ହୋଇଛନ୍ତି। ବୁଧବାର ଏନେଇ ପ୍ରଧାନମନ୍ତ୍ରୀ ଏକ ଉଚ୍ଚ ସ୍ତରୀୟ ବୈଠକ ଡକାଇ କୌଣସି ପ୍ରକାର ଆତଙ୍କୀ ଆକ୍ରମଣ ଯୁଦ୍ଧ ବିବେଚନା କରାଯିବ ବୋଲି କହିଛନ୍ତି। ଏହା ବ୍ୟତୀତ ଅପରେସନ ସିନ୍ଦୂରରେ ସରକାର କହିଥିଲେ କି ଏହା କେବଳ ସ୍ଥଗିତ, ସମାପ୍ତ ହୋଇନି।
