ମହାରାଷ୍ଟ୍ରର ନୂଆ ଉପମୁଖ୍ୟମନ୍ତ୍ରୀ ସୁନେତ୍ରା ପୱାରଙ୍କୁ ଗାର୍ଡିଆନ ମିନିଷ୍ଟର ଦାୟିତ୍ୱ ଦେଲେ ସରକାର

ମହାରାଷ୍ଟ୍ର,03/02: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ତଥା ଦିବଙ୍ଗତ ନେତା ଅଜିତ ପୱାରଙ୍କ ପତ୍ନୀ ସୁନେତ୍ରା ଅଜିତ ପୱାରଙ୍କୁ ମଙ୍ଗଳବାର ଦିନ ବୀଡ ଏବଂ ପୁଣେ ଜିଲ୍ଲାର “ଗାର୍ଡିଆନ ମିନିଷ୍ଟର” ଭାବରେ ନିଯୁକ୍ତ କରାଯାଇଛି । ଯାହା ପୂର୍ବରୁ ତାଙ୍କ ସ୍ୱାମୀ ସ୍ୱର୍ଗତ ଅଜିତ ପୱାରଙ୍କ ଦାୟିତ୍ୱରେ ଥିଲା ।
ମହାରାଷ୍ଟ୍ର ସରକାରରେ “ଗାର୍ଡିଆନ ମିନିଷ୍ଟର” ହେଉଛନ୍ତି ଭାରତର ଜଣେ କ୍ୟାବିନେଟ ସ୍ତରୀୟ ମନ୍ତ୍ରୀ ଯାହାକୁ ମହାରାଷ୍ଟ୍ର ସରକାର ରାଜ୍ୟ ମଧ୍ୟରେ ଏକ ନିର୍ଦ୍ଦିଷ୍ଟ ଜିଲ୍ଲାର ବିକାଶ ତଦାରଖ କରିବା ପାଇଁ ନିଯୁକ୍ତ କରନ୍ତି । ଏହି କ୍ରମରେ ଶ୍ରୀମତୀ ପୱାରଙ୍କୁ ବୀଡ ଏବଂ ପୁଣେ ଜିଲ୍ଲାର “ଗାର୍ଡିଆନ ମିନିଷ୍ଟର” ଭାବରେ ନିଯୁକ୍ତ କରାଯାଇଛି । ଗତ ସପ୍ତାହରେ ପୁଣେ ଜିଲ୍ଲାର ବାରାମତିରେ ଏକ ବିମାନ ଦୁର୍ଘଟଣାରେ ଅଜିତ ପୱାରଙ୍କ ମୃତ୍ୟୁ ପରେ ତାଙ୍କ ସ୍ଥାନରେ ପତ୍ନୀ ତଥା ତତ୍କାଳୀନ ରାଜ୍ୟସଭା ସାଂସଦ ସୁନେତ୍ର ପୱାର ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି । ଅଜିତ ପୱାର ଉପମୁଖ୍ୟମନ୍ତ୍ରୀ ସହ ଅର୍ଥ,ଅବକାରୀ,କ୍ରୀଡା ଏବଂ ସଂଖ୍ୟାଲଘୁ କଲ୍ୟାଣ ବିଭାଗ ଦାୟିତ୍ୱ ଗ୍ରହଣ କରିଥିଲେ । ଏହାସହ ସେ ପୁଣେ ଏବଂ ବୀଡର ଜିଲାର ଅଭିଭାବକ ମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଥିଲେ । ସୁନେତ୍ର ପୱାରଙ୍କୁ ଦୁଇଟି ଜିଲ୍ଲାର ଅଭିଭାବକ ମନ୍ତ୍ରୀ ଭାବରେ ନିଯୁକ୍ତ କରାଯାଇଛି । ତାଙ୍କୁ ପୂର୍ବରୁ ଅବକାରୀ, କ୍ରୀଡା ଏବଂ ସଂଖ୍ୟାଲଘୁ କଲ୍ୟାଣ ବିଭାଗ ଦିଆଯାଇଥିଲା । କିନ୍ତୁ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଅର୍ଥ ବିଭାଗ ସମ୍ଭାଳିବେ ।