Garvita Odia
ଦେବଗଡ଼:ବାରକୋଟ ବ୍ଲକର କଲା ପ୍ୟାକ୍ସର ପୂର୍ବ ସଂପାଦକ ଶ୍ରୀପତି ପ୍ରଧାନଙ୍କୁ ସାର ବାବଦ ଅର୍ଥରୁ ୧୬.୭୨ ଲକ୍ଷ ଟଙ୍କା ହେରଫେର ଅଭିଯୋଗରେ ଆଜି ଗିରଫ କରିଛି। ଗିରଫ ପରେ ଶ୍ରୀ ପ୍ରଧାନଙ୍କୁ ସମ୍ବଲପୁର ଭିଜିଲାନ୍ସର ସ୍ୱତନ୍ତ୍ର ବିଚାରପତିଙ୍କ ଅଦାଲତରେ ହାଜର କରାଯାଇଛି।ସୂଚନା ଅନୁଯାୟୀ, ଆର୍ଥିକ ବର୍ଷ ୨୦୨୪-୨୫ରେ କଲା ପ୍ୟାକ୍ସରେ ୧୬ ଲକ୍ଷରୁ ଅଧିକ ଟଙ୍କାର ହେରଫେର ଅଭିଯୋଗ ମିଳିବା ପରେ ଭିଜିଲାନ୍ସ ପକ୍ଷରୁ ଯାଞ୍ଚ କରାଯାଇଥିଲା।ଯାଞ୍ଚରୁ ଜଣାପଡ଼ିଥିଲା ଯେ, ଶ୍ରୀ ପ୍ରଧାନ ରେଜିଷ୍ଟର,ଲେଜର ଏଣ୍ଟ୍ରି ଏବଂ ଷ୍ଟକ୍/ଇନ୍ଭେଣ୍ଟୋରୀ ବହିରେ ଜାଲିଆତି କରିଥିଲେ।ସ୍ଥାନୀୟ ଚାଷୀମାନଙ୍କ ପାଇଁ ଉଦ୍ଦିଷ୍ଟ ବିଭିନ୍ନ ପ୍ରକାରର ସାରକୁ ବେଆଇନ ଭାବେ ଅନ୍ୟତ୍ର ବିକ୍ରି କରି ୧୬,୭୨,୫୬୭ ଟଙ୍କା ସାର ଟଙ୍କା ହଡପ କରିଥିବା ତଦନ୍ତରୁ ଜଣାପଡିଥିଲା। ଯାହା ଫଳରେ ଚାଷୀମାନେ ସରକାରଙ୍କ ଉଦ୍ଦିଷ୍ଟ ସୁବିଧାରୁ ବଞ୍ଚିତ ହୋଇଥିଲେ। ଏନେଇ ଅଭିଯୋଗ ହେବା ପରେ ରାଉଲକେଲା ଭିଜିଲାନ୍ସ ବିଭାଗରେ ମାମଲା ରୁଜୁ ହୋଇଥିଲା। ତେବେ ଅାଜି ଭିଜିଲାନ୍ସ ବିଭାଗ ପକ୍ଷରୁ ଶ୍ରୀ ପ୍ରଧାନ ଗିରଫ କରାଯିବା ସହ ଘଟଣାର ଅଧିକ ତଦନ୍ତ ଜାରି ରହିଥିବା ଜଣାପଡିଛି।
