ସ୍କୁଲରେ ସାରା ରାତି ଛାତ୍ରୀ ଫସିରହିବା ଘଟଣାରେ ପ୍ରଧାନ ଶିକ୍ଷକ ନିଲମ୍ବିତ

କେନ୍ଦୁଝର,22/08: ରାତିସାରା ସ୍କୁଲ୍ ଝରକା ରେଲିଂରେ ଛାତ୍ରୀ ଫସି ରହିବା ଘଟଣାରେ ଅଞ୍ଜର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଭାରପ୍ରାପ୍ତ ପ୍ରଧାନ ଶିକ୍ଷକ ନିଲମ୍ବିତ ହୋଇଛନ୍ତି । ସ୍କୁଲ କର୍ତ୍ତୃପକ୍ଷଙ୍କ ଦାୟିତ୍ୱହୀନତା ସାମ୍ନାକୁ ଆସିବା ପରେ ତୁରନ୍ତ କାର‌୍ୟ୍ୟାନୁଷ୍ଠାନ ଗ୍ରହଣ କରି ଭାରପ୍ରାପ୍ତ ପ୍ରଧାନ ଶିକ୍ଷକ ଗୌରହରି ମହାନ୍ତଙ୍କୁ ନିଲମ୍ବନ କରିଛନ୍ତି ଜିଲ୍ଲାପାଳ । କହିରଖୁଛୁ ଜଣେ ଦ୍ବିତୀୟ ଶ୍ରେଣୀ ଛାତ୍ରୀ ସ୍କୁଲରେ ଥିବାବେଳେ ଭୁଲବଶତଃ ତାଲା ପକାଇ ଦେଇ କର୍ତ୍ତୃପକ୍ଷ ଚାଲିଯାଇଥିଲେ । ସାରା ରାତି ଛାତ୍ରୀ ଜଣକ ଝରକା ରେଲିଂରେ ଲଟକି ରହିଥିଲେ । ବାହାରିବାକୁ ବହୁତ ଚେଷ୍ଟା ସତ୍ତ୍ବେ ସେ ବାହାରି ନପାରି ରାତିସାରା ଝରକାରେ ଲଟକି ରହିବା ଘଟଣା ସମସ୍ତଙ୍କୁ ବ୍ୟଥିତ କରିଛି । ସକାଳେ ସମସ୍ତେ ଦେଖିବା ପରେ କୁନିଝିଅକୁ ଉଦ୍ଧାର କରାଯାଇଥିଲା ।