୧୭ ପୌର ସଂସ୍ଥାରେ ନୂଆ କାର୍ୟ୍ୟନିର୍ବାହୀ ଅଧିକାରୀଙ୍କୁ ନିଯୁକ୍ତ

ଭୁବନେଶ୍ୱର: ରାଜ୍ୟ ସରକାର ପୌର ପ୍ରଶାସନରେ ନୂଆ ନିର୍ଦ୍ଦେଶକଙ୍କ ସମେତ ୧୭ଟି ପୌର ସଂସ୍ଥାରେ ନୂଆ କାର୍ୟ୍ୟନିର୍ବାହୀ ଅଧିକାରୀଙ୍କୁ ନିଯୁକ୍ତି ଦେଇଛନ୍ତି ।

ରାଜ୍ୟ ସରକାରଙ୍କ ପକ୍ଷରୁ ଜାରି ବିଜ୍ଞପ୍ତି ଅନୁସାରେ, ପୌର ପ୍ରଶାସନର ନିର୍ଦ୍ଦେଶକ ଭାବେ କାର୍ୟ୍ୟରତ ବରିଷ୍ଠ ଓଏଏସ୍ ଅଫିସର ଦେବାଶିଷ ସିଂଙ୍କୁ ତାଙ୍କ ପଦରୁ ହଟାଇ ଦିଆଯାଇ ସେହି ନଗର ଉନ୍ନୟନ ବିଭାଗର ସ୍ୱତନ୍ତ୍ର ସଚିବ ଭାବେ ଅବସ୍ଥାପିତ କରାଯାଇଛି । ସେହିପରି ଇସ୍ପାତ ଓ ଖଣି ବିଭାଗର ଅତିରିକ୍ତ ସଚିବ ବରିଷ୍ଠ ଓଏଏସ୍ ଅନୁଜ କୁମାର ଦାସ ପଟ୍ଟନାୟକଙ୍କୁ ମହିଳା ଓ ଶିଶୁବିକାଶ ବିଭାଗ ବଦଳି କରାଯାଇଥିବା ବେଳେ ବରିଷ୍ଠ ଓଏଏସ୍ ଗୌତମ ଚୌଧୁରୀଙ୍କୁ ତାଙ୍କ ସ୍ଥାନକୁ ପଠାଯାଇଛି ।ସେହିପରି ଯାଜପୁର ମ୍ୟୁନିସପାଲଟିର କାର୍ୟ୍ୟନିର୍ବାହୀ ଅଧିକାରୀ ଭାବେ ଲକ୍ଷ୍ମୀଧର ରାଉତଙ୍କୁ ବଦଳି ହୋଇଛି। କୈଳାସ ଚନ୍ଦ୍ର ଜେନା-ପୋଲସରା ଏନଏସି କାର୍ୟ୍ୟନିବାହୀ ଅଧିକାରୀ, ନିଗମାନନ୍ଦ ନନ୍ଦ-ବାଣପୁର ଏନଏଏସି, କମଳ ବିହାରୀ ଦାସ-ରେମୁଣା ଏନଏସି, ଲକ୍ଷ୍ମଣ କୁମାର ମୁର୍ମୁ-ପାରଳାଖେମୁଣ୍ଡି ମ୍ୟୁନିସପାଲଟି, ସୌମ୍ୟରଞ୍ଜନ ମିଶ୍ର-ଚୌଦ୍ୱାର ମ୍ୟୁନିସପାଲଟି, ଆଶୁତୋଷ ଗୌରବ କର- ଜି.ଉଦୟଗିରି, ବିଶ୍ୱରଞ୍ଜନ ପ୍ରଧାନ-ସୋର ମ୍ୟୁନିସପାଲଟି, ବିଶ୍ୱଜିତ୍ ରାୟ-ରାୟଗଡ଼ା ମ୍ୟୁନିସପାଲଟି, ସତ୍ୟପ୍ରକାଶ ତ୍ରିପାଠୀ-ଅନୁଗୁଳ ମ୍ୟୁନିସପାଲଟି, ୟାସିର ବିଲାଲ ଅହମ୍ମଦ-ବୀରମିତ୍ରପୁର ମ୍ୟୁନିସପାଲଟି, ରାଜେଶ କୁମାର ମହାପାତ୍ର-ଆସିକା ଏନଏଏସି, କାଦମ୍ବିନୀ ଜେନା-ପିପିଲି ଏନଏଏସି, ଲଳିତ କୁମାର ନାଏକ- କେନ୍ଦୁଝର ମ୍ୟୁନିସପାଲଟି, ରୁଷି ମାଝୀ-ସୋନପୁର ମ୍ୟୁନିସପାଲଟି, ଚନ୍ଦ୍ରକାନ୍ତ ବେହେରା-ଆଠମଲ୍ଲିକ ଏନଏଏସି ଓ ଅବିନାଶ ମହାନ୍ତିଙ୍କୁ ଦଶପଲ୍ଲା ଏନଏଏସିର କାର୍ୟ୍ୟନିର୍ବାହୀ ଅଧିକାରୀ ଭାବେ ବଦଳି କରାଯାଇଛି ।