୧ ଲକ୍ଷ ଟପିଲା ସୁନା ଦର

ଭୁବନେଶ୍ୱର/ ନୂଆଦିଲ୍ଲୀ : ଲକ୍ଷେ ଟଙ୍କା ଟପିଲା ସୁନା ଦର । ଦିନକରେ ସୁନା ବଢ଼ିଲା ୩ ହଜାର ଟଙ୍କା । ୨୪ କ୍ୟାରେଟ ସୁନା ଦର ୯୯ ହଜାର ୧୭୦ ଟଙ୍କା । GST ମିଶାଇଲେ ୨୪ କ୍ୟାରେଟ ଦର ୧ ଲକ୍ଷ ୧ ହଜାର ୩୪୦ । ୨୨ କ୍ୟାରେଟ ସୁନା ଦାମ ୯୨ ହଜାର 900 ଟଙ୍କା । ବର୍ଷକରେ ବଢ଼ିଲାଣି ୨୦ ହଜାର ୮୫୦ ଟଙ୍କା । ୨୦୨୪ ଡିସେମ୍ବରରୁ ଏଯାଏ ୨୬.୪୧% ବୃଦ୍ଧି । ଚୀନ୍‌-ଆମେରିକା ବାଣିଜ୍ୟ ଯୁଦ୍ଧ, ବିଶ୍ବର ଅର୍ଥନୈତିକ ଅସ୍ଥିରତା ଯୋଗୁ ଦର ଆକାଶଛୁଆଁ । ସୁରକ୍ଷିତ ଭାବି ସୁନାରେ ନିବେଶ କରୁଛନ୍ତି ନିବେଶକ । ୧୦ ଗ୍ରାମ ପ୍ରତି ସୁନା ଦର ୯୯ ହଜାର ୮ ଶହରେ ପହଞ୍ଚିଛି । ଶୁକ୍ରବାର ସୁନା ଦର ୯୮ ହଜାର ୧୫୦ ଟଙ୍କା ଥିବାବେଳେ ଆଜି ସର୍ବକାଳୀନ ଉଚ୍ଚସ୍ତରରେ ପହଞ୍ଚିଛି ସୁନା ଦର । ଭୁବନେଶ୍ବରରେ ୨୪ କ୍ୟାରେଟ ସୁନା ଦର ହେଲା 10 ଗ୍ରାମକୁ 98 ହଜାର 340 ଟଙ୍କା ।24 କ୍ୟାରେଟ୍ ସୁନା ଦର 1 ଲକ୍ଷ 1 ହଜାର 340 ଟଙ୍କା ଭୁବନେଶ୍ୱରରେ ରହିଥିବା ବେଳେ 22 କ୍ୟାରେଟ୍ ସୁନା ଦର 92 ହଜାର 900 ଟଙ୍କା ରହିଛି ରାଜଧାନୀରେ । ଦିନକରେ ବୃଦ୍ଧି ପାଇଲା 3 ହଜାର ଟଙ୍କା । ସେହିପରି ବାଲେଶ୍ୱରରେ ସୁନା ଦର ରହିଛି (24 କ୍ୟାରେଟ) 1 ଲକ୍ଷ ଏକ ହଜାରଏବଂ 22 କ୍ୟାରେଟ ସୁନା ଦର ରହିଛି 92 ହଜାର 900 ଟଙ୍କା । ସେହିପରେ କଟକରେ ରହିଛି ୨୨ କ୍ୟାରେଟ ସୁନା ୯୨,୯୦୦ ଟଙ୍କା ଏବଂ ୨୪ କ୍ୟାରେଟ ସୁନା ଦର ୧ ଲକ୍ଷ ୧ ହଜାର 340 ଟଙ୍କା । ପୁରୀରେ ସୁନା ଦର 24 କ୍ୟାରେଟ ପିଛା ରହିଛି 1 ଲକ୍ଷ 2 ହଜାର 845 ଟଙ୍କା ଏବଂ 22 କ୍ୟାରେଟ ପିଛା ରହିଛି 94 ହଜାର 40 ଟଙ୍କା । ସେପଟେ 1 ଲକ୍ଷ 2 ହଜାର ରହିଛି ଭୁବନେଶ୍ୱରର ସୁନା ଦର । ଆଗକୁ 1 ଲକ୍ଷ 30 ହଜାର ଛୁଇଁବ ବୋଲି ବ୍ୟବସାୟୀ କହିଛନ୍ତି ।