୨୦୨୬ ଶେଷ ସୁଦ୍ଧା ବିଶ୍ୱର ପ୍ରଥମ ୨୪ କ୍ୟାରେଟ୍ ସୁନାର ରାସ୍ତା

୨୦୨୬ ଶେଷ ସୁଦ୍ଧା ସାଧାରଣ ଲୋକଙ୍କ ପାଇଁ ଖୋଲାଯିବା ୨୪ କ୍ୟାରେଟ୍ ସୁନାର ରାସ୍ତା । ଯଦି ଏହି ପ୍ରକଳ୍ପ ଯୋଜନା ଅନୁଯାୟୀ ଆଗକୁ ବଢ଼େ, ତେବେ ଏହା ବିଶ୍ୱର ଆଉ ଏକ ଆକର୍ଷଣୀୟ ପର୍ୟ୍ୟଟନସ୍ଥଳୀ ପାଲଟିପାରେ। ଦୁବାଇର ଡେଇରା ଅଞ୍ଚଳରେ ଥିବା ଗୋଲ୍ଡ ଡିଷ୍ଟ୍ରିକ୍ଟରେ ଏହି ୱାକ୍‌ୱେ ନିର୍ମାଣ କରାଯିବାର ଯୋଜନା ରହିଛି। ଡିଷ୍ଟ୍ରିକ୍ଟର କମର୍ସିଆଲ୍ ସେକ୍ଟରର ସିନିୟର ଡାଇରେକ୍ଟରଙ୍କ ସୂଚନା ଅନୁଯାୟୀ, ଏହା ନିଜ ଧରଣର ପ୍ରଥମ ଏବଂ ବିଶ୍ୱର ସବୁଠାରୁ ଲମ୍ବା ୱାକ୍‌ୱେ ହେବ। ଏହି ସୁନାର ରାସ୍ତାରେ ଚାଲିବା ସହ ପର୍ୟ୍ୟଟକମାନେ ଫଟୋ ଉଠାଇବା ଏବଂ ଏକ ନିଆରା ଅନୁଭୂତି ହାସଲ କରିବାର ସୁଯୋଗ ପାଇପାରିବେ। ତେବେ ଏହାର ପ୍ରକୃତ ଲମ୍ବ, ନିର୍ମାଣ ଖର୍ଚ୍ଚ ଏବଂ କେତେ ପରିମାଣର ସୁନା ବ୍ୟବହାର ହେବ, ସେନେଇ ଏଯାଏଁ ସବିଶେଷ ତଥ୍ୟ ପ୍ରକାଶ ପାଇନାହିଁ।