Garvita Odia
ଭୁବନେଶ୍ୱର : ଓଡ଼ିଶା ଆଦର୍ଶ ବିଦ୍ୟାଳୟରେ ନାମଲେଖା ପାଇଁ ପ୍ରବେଶିକା ପରୀକ୍ଷା ଆବେଦନ ତାରିଖକୁ ବୃଦ୍ଧି କରାଯାଇଛି । ପଞ୍ଜୀକରଣକୁ ଆସନ୍ତା ୨୭ ତାରିଖକୁ ବୃଦ୍ଧି କରାଯାଇଛି । ଓଡ଼ିଶା ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (ଓଏଭିଇଟି)ଏବଂ ଓଡି଼ଶା ମାଇନିଂ ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (ଓଏମ୍ଏଇଟି) ୨୦୨୫-୨୬ ପାଇଁ ଏହା ଲାଗୁ କରାଯାଇଛି ।
ସୂଚନାଯୋଗ୍ୟ, ଅକ୍ଟୋବର ୨୫ରୁ ଆରମ୍ଭ ହୋଇଥିବା ଓଏଭିଇଟି ଓ ଓଏମ୍ଏଇଟି ପାଇଁ ଆବେଦନ ଆସନ୍ତାକାଲି ଶେଷ ହେବ । ତେବେ ପିଲା ଓ ଅଭିଭାବକଙ୍କ ଉତ୍ସାହ ଦେଖି ଏହାର ଆବେଦନ ଅବଧିକୁ ୨୭ ତାରିଖ ଯାଏ ବୃଦ୍ଧି କରାଯାଇଛି । ଷଷ୍ଠ ଶ୍ରେଣୀରେ ନାମଲେଖା ପାଇଁ ଏହି ପ୍ରବେଶିକା ପରୀକ୍ଷା ହୋଇଥାଏ । ଏଥିସହ ସପ୍ତମରୁ ନବମ ଶ୍ରେଣୀ ଯାଏ ଲାଟେରାଲ ଏଣ୍ଟ୍ରି ପାଇଁ ମଧ୍ୟ ପ୍ରବେଶିକା ପରୀକ୍ଷା ହେବ । ଜାନୁଆରୀ ମାସରେ ଆଡମିଟ୍ କାର୍ଡ ଉପଲବ୍ଧ ହୋଇପାରେ । ଏଥିସହ ଜାନୁଆରୀ ମାସରେ ପରୀକ୍ଷା କରିବାକୁ ଓଏଭି ଯୋଜନା ରଖିଛି । ତେବେ ଫେବ୍ରୁଆରୀ ମାସରେ ରେଜଲ୍ଟ ପ୍ରକାଶ ପାଇପାରେ । ଏନେଇ ସମସ୍ତ ସୂଚନା ଓଏଭି ୱେବ୍ସାଇଟ୍ ଙ୍ଗଙ୍ଗଙ୍ଗ.କ୍ଟବଙ୍ଖ.ରୟଙ୍କ.ସଦ୍ଭରେ ଉପଲବ୍ଧ ରହିଛି ।
