ଭୋଟ ଦେଉଛି ମହାରାଷ୍ଟ୍ର, ନେତା ବାଛୁଛନ୍ତି ଜନତା

ମୁମ୍ବାଇ: ସକାଳ ୭ଟାରୁ ମହାରାଷ୍ଟ୍ରର ସମସ୍ତ ୨୮୮ ବିଧାନସଭା ଆସନରେ ମତଦାନ ଆରମ୍ଭ ହୋଇଛି । ଧାଡିରେ ରହି ମଦଦାନ ସାବ୍ୟସ୍ତ କରୁଛନ୍ତି ଜନତା । ୨୮୮ ଆସନରେ ମୋଟ ୧୫୮ ଦଳ ରହିଛନ୍ତି । ୯.୭୦ କୋଟି ଭୋଟର ସେମାନଙ୍କ ନେତା ବାଛୁଛନ୍ତି। ୨୮୮ ଆସନ ବିଶିଷ୍ଟ ମହାରାଷ୍ଟ୍ର ନିର୍ବାଚନ ଉପରେ ସାରା ଦେଶର ନଜର ରହିଛି । ଗୋଟିଏ ପର୍ୟ୍ୟାୟରେ ମହାରାଷ୍ଟ୍ର ପାଇଁ ଭୋଟିଂ ହେଉଛି ।ମହରାଷ୍ଟ୍ରରେ ମହାୟୁତି ଓ ମହା ବିକାଶ ଅଘାଡି ମଧ୍ୟରେ କଡା ମୁକାବିଲା ଦେଖିବାକୁ ମିଳିବ । ବିଜେପି ନେତୃତ୍ବଧୀନ ମହାୟୁତି କ୍ଷମତା ବଜାୟ ରଖିବାକୁ ଲକ୍ଷ୍ୟ ରଖିଥିବା ବେଳେ ମହା ବିକାଶ ଅଘାଡି କ୍ଷମତାକୁ ଫେରିବାକୁ ଆଶାବାଦୀ ରହିଛି । ଏନସିପି ଓ ଶିବସେନା ଦୁଇ ଭାଗ ହେବା ପରେ ରାଜ୍ୟରେ ବହୁମୁଖୀ ଲଢେଇ ହେଉଛି । ଶିବସେନା ଓ ଏନସିପି ପାଇଁ ଅଗ୍ନି ପରୀକ୍ଷା ହେବ । ସକାଳ ୭ଟାରୁ ଆରମ୍ଭ ହୋଇଥିବା ଭୋଟ ଗ୍ରହଣ ସଂଧ୍ୟା ୬ଟା ଯାଏ ଚାଲିବ। ଶୃଙ୍ଖଳିତ ମତଦାନ ପାଇଁ କଡାକଡି ସୁରକ୍ଷା ବ୍ୟବସ୍ଥା ହୋଇଛି । ୨୫ ହଜାର ପୋଲିସ ଅଧିକାରୀ ନିୟୋଜିତ ହୋଇଛନ୍ତି । ମୋଟ ୪,୧୩୬ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଜନତା । ୬ଟି ପ୍ରମୁଖ ଦଳକୁ ମିଶାଇ ମୋଟ ୧୫୮ଟି ଦଳ ନିଜ ଭାଗ୍ୟ ପରୀକ୍ଷା ଦେଉଛନ୍ତି ।