Garvita Odiaବିହାର ,07।09:ଯେତିକି ପାଖେଇ ଆସୁଛି ବିହାର ବିଧାନସଭା ନିର୍ବାଚନ ସେତିକି ବଢିବାରେ ଲାଗିଛି ଜାତୀୟ ଦଳଗୁଡିକର ରାଜନୈତିକ ଉଷ୍ମତା। ବିରୋଧୀ ମେଣ୍ଟରେ ୬ଟି ଦଳ- ଲାଲୁ ପ୍ରସାଦ ଯାଦବଙ୍କ ରାଷ୍ଟ୍ରୀୟ ଜନତା ଦଳ, କଂଗ୍ରେସ, ସିପିଆଇ-ଏମଏଲ, ସିପିଆଇ, ସିପିଏମ ଓ ଭିଆଇପି ରହିଥିଲେ। ଏବେ ଜେଏମଏମ ଓ ଏଲଜେପି (ପାରସ) ଏଥିରେ ସାମିଲ ହୋଇଛନ୍ତି। ଏତିକିବେଳେ ଉଭୟ ଏନଡିଏ ଓ ବିରୋଧୀ ମେଣ୍ଟ ମଧ୍ୟରେ ସିଟ୍ ଶେୟାରିଂ ଫର୍ମୁଲାକୁ ନେଇ ଆଲୋଚନା ଆରମ୍ଭ ହୋଇଯାଇଛି। ଶାସକ ମେଣ୍ଟରେ ଚିରାଗ ପାଶୱାନ, ଜିତେନ ରାମ ମାଞ୍ଝୀ ଓ ଉପେନ୍ଦ୍ର କୁଶୱା ଅଧିକ ସିଟ ମାଗୁଥିବାରୁ ସିଟ ଶେୟାରିଂ ଅଙ୍କ ଛିଡ଼ୁ ନାହିଁ। ଏସବୁ ଭିତରେ ବିରୋଧୀ ମେଣ୍ଟରେ ଆଉ ଦୁଇ ଦଳ- ହେମନ୍ତ ସୋରେନଙ୍କ ଝାରଖଣ୍ଡ ମୁକ୍ତି ମୋର୍ଚ୍ଚା ଓ ପଶୁପତି ପାରସଙ୍କ ନେତୃତ୍ୱାଧୀନ ଏଲଜେପି ସାମିଲ ହୋଇଛନ୍ତି। କଂଗ୍ରେସ ଓ ସିପିଆଇ-ଏମଏଲ ପକ୍ଷରୁ ଅଧିକ ସିଟ ଦାବି କରାଯାଉଥିବା ବେଳେ ଆଉ ଦୁଇ ଦଳ ସାମିଲ ହେବା ସ୍ଥିତିକୁ ଆହୁରି ରୋଚକ କରିଛି। ଏମାନେ କେମିତି ସିଟ ଶେୟାରିଂ ଫର୍ମୁଲା ପ୍ରସ୍ତୁତ କରି ସମସ୍ତଙ୍କୁ ସନ୍ତୁଷ୍ଟ କରୁଛନ୍ତି, ତା’ ଉପରେ ଏବେ ନଜର ରହିଛି।
ନିଲମ୍ବନ ହେବେନି ସିଇସି ଜ୍ଞାନେଶ କୁମାର : ସୁପ୍ରିମକୋର୍ଟ
Garvita Odia- October 5, 2026
ଭାରତର ନିର୍ବାଚନ କମିସନର ଅନ୍ୟ ଦୁଇ ନିର୍ବାଚନ କମିସନରଙ୍କ ସମ୍ମତି ବିନା ଏକପାଖିଆ ନିଷ୍ପତ୍ତି ନେବାର ଅଭିଯୋଗରେ ମୁଖ୍ୟ ନିର୍ବାଚନ କମିସନର ଜ୍ଞାନେଶ କୁମାରଙ୍କୁ ନିଲମ୍ବିତ କରିବା ପାଇଁ ସୁପ୍ରିମକୋର୍ଟ ଏକ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ଜାରି କରିବାକୁ ମନା କରିଦେଇଛନ୍ତି। ଜ୍ଞାନେଶ…
