Garvita Odia
ନୂଆଦିଲ୍ଲୀ: ଛତିଶଗଡ଼ର ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅ ଅମିତ ଯୋଗୀକୁ ଆଜୀବନ ସଜ୍ଜା ଶୁଣାଇଛନ୍ତି ହାଇକୋର୍ଟ । ପୂର୍ବତନ ସିଏମ୍ ଅଜିତ ଯୋଗୀଙ୍କ ପୁଅ ତଥା ପୂର୍ବ ବିଧାୟକ ଅମିତ ଯୋଗୀ । ୨୦୦୩ ଏକ ହତ୍ୟା ମାମଲାରେ ଆଜୀବନ ଶୁଣାଇଛନ୍ତି ହାଇକୋର୍ଟ । ଏନସିପି ନେତା ରାମ ଅବତାର ଜଗି ହତ୍ୟା ମାମଲାରେ ସଜ୍ଜା ହୋଇଛି । ୨୦୦୩ ବିଧାନସଭା ନିର୍ବାଚନ ପୂର୍ବରୁ ରାମ ଅବତାର ଜଗିଙ୍କୁ ଗୁଳି କରି ହତ୍ୟା କରାଯାଇଥିଲା ।ଗତ ଗୁରୁବାର ହାଇକୋର୍ଟ ପୂର୍ବତନ ବିଧାୟକ ଅମିତ ଯୋଗୀଙ୍କୁ ଦୋଷୀ ସାବ୍ୟସ୍ତ କରିଥିଲେ । ଆଜି ରାମ ଅବତାର ଜଗ୍ଗିଙ୍କ ହତ୍ୟା ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ସିବିଆଇ ଅନୁଯାୟୀ, ଏହି ମାମଲାଟି ୨୦୦୩ ମସିହାରେ ରାୟପୁରରେ ବ୍ୟବୟାୟୀ ତଥା ରାଜନେତା ରାମଅବତାର ଜଗ୍ଗିଙ୍କ ହତ୍ୟା ସହିତ ଜଡ଼ିତ । ଅମିତଙ୍କ ବାପା ଅଜିତ ଯୋଗୀ ସେତେବେଳେ ରାଜ୍ୟରେ ମୁଖ୍ୟମନ୍ତ୍ରୀ ଥିଲେ । ୨୦୦୭ ମସିହାରେ ଏକ ସ୍ୱତନ୍ତ୍ର ସିବିଆଇ କୋର୍ଟ ହତ୍ୟା ମାମଲାରେ ୨୮ ଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ । ତଥାପି, କୋର୍ଟ ଅମିତ ଯୋଗୀଙ୍କୁ ନିର୍ଦ୍ଦୋଷରେ ଖଲାସ କରିଥିଲେ । ସିବିଆଇ ଅମିତ ଯୋଗୀଙ୍କ ଦୋଷମୁକ୍ତକୁ ଛତିଶଗଡ଼ ହାଇକୋର୍ଟରେ ଚ୍ୟାଲେଞ୍ଜ କରିଥିଲା । ଯାହା ବିଳମ୍ବ କାରଣରୁ ଆବେଦନକୁ ଖାରଜ କରିଥିଲେ । ଏହାପରେ ସିବିଆଇ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା । ଯିଏକି ଗତ ନଭେମ୍ବରରେ ବିଳମ୍ବକୁ କ୍ଷମା ଦେଇଥିଲେ ଏବଂ ମାମଲାକୁ ପୁନର୍ବାର ହାଇକୋର୍ଟକୁ ପଠାଇଥିଲେ ।
ପରବର୍ତ୍ତୀ ସମୟରେ ହାଇକୋର୍ଟ ଏପ୍ରିଲ ୨ରେ ଅମିତ ଯୋଗୀଙ୍କୁ ଦୋଷୀ ସାବ୍ୟସ୍ତ କରିଥିଲେ । ୩ ସପ୍ତାହ ମଧ୍ୟରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଥିଲେ । ଛତିଶଗଡ଼ ହାଇକୋର୍ଟ ଅମିତ ଯୋଗୀଙ୍କୁ ପୂର୍ବରୁ ଦୋଷମୁକ୍ତ କରିବା ନିଷ୍ପତ୍ତିକୁ ପରିବର୍ତ୍ତନ କରିଛନ୍ତି । ଏହା ଜଗ୍ଗିଙ୍କ ପରିବାର ପାଇଁ ଏକ ବଡ଼ ବିଜୟ ସମାନ ହୋଇଛି ।
