Garvita Odia
କାଇରୋ (ଇଜିପ୍ଟ),୨୪/୦୪/୨୦୨୬: ଭାରତର ୧୦ ମିଟର ରାଇଫଲ ମିଶ୍ରିତ ଯୁଗଳ ଦଳ ଶମ୍ଭାବୀ ଖୀରସାଗର ଓ ଦିବ୍ୟାଂଶୁ ଦିୱାନ୍ଗାନ୍ ବିଶ୍ବ ରେକର୍ଡ ସ୍କୋର୍ ସହ ଆଇଏସ୍ଏସ୍ଏଫ୍ କନିଷ୍ଠ ବିଶ୍ବକପ୍ରେ ସ୍ବର୍ଣ୍ଣ ପଦକ ଜିତିିଛନ୍ତି। ଶୁକ୍ରବାର ଫାଇନାଲ୍ରେ ଏହି ଭାରତୀୟ ଯୋଡ଼ି ୪୯୯.୦ ସ୍କୋର୍ କରି ପ୍ରଥମ ସ୍ଥାନରେ ରହିଥିଲେ। ଚାଇନିଜ୍ ତାଇପେଇର ସାଇ ଚିଏ-ୟିଙ୍ଗ ସ ଚେନ୍ ୟୁ-ଆନ୍ (୪୯୮.୩) ରୌପ୍ୟ ଏବଂ ଫ୍ରାନ୍ସ ଯୋଡ଼ି ତିଫେନ ପୋମେସ ଓ ଜାସପାର୍ଡ ଲିଜର୍ (୪୩୪.୪) କାଂସ୍ୟ ଜିତିଥିଲେ।
ଭାରତୀୟ ଯୋଡ଼ି ଯୋଗ୍ୟତା ପର୍ଯ୍ୟାୟରେ ୬୩୨.୦ ସ୍କୋର୍ ସହ ଶୀର୍ଷରେ ରହି ଫାଇନାଲ୍ରେ ପହଞ୍ଚିଥିଲେ। ୨୫ ମିଟର ରାପିଡ୍ ଫାୟର ପିସ୍ତଲ ପୁରୁଷ ଯୋଗ୍ୟତା ପର୍ଯ୍ୟାୟରେ ୫୭୩ ସ୍କୋର୍ ସହ ଦ୍ବିତୀୟ ସ୍ଥାନରେ ରହି ଫାଇନାଲ୍ରେ ପହଞ୍ଚିଥିଲେ। ହେଲେ ଫାଇନାଲ୍ରେ ସପ୍ତମ ସ୍ଥାନରେ ରହି ପଦକରୁ ବଞ୍ଚିତ ହୋଇଥିଲେ। ସଂପ୍ରତି ଭାରତ ଏହି ପ୍ରତିଯୋଗିତାରେ ୧୨ (୪ ସ୍ବର୍ଣ୍ଣ, ୫ ରୌପ୍ୟ, ୩ କାଂସ୍ୟ) ପଦକ ସହ ଶୀର୍ଷରେ ରହିଛି। ସୂଚନାଯୋଗ୍ୟ ଯେ ଏହି ପ୍ରତିଯୋଗିତାରେ ଓଡ଼ିଶାର ମାନ୍ୟତା ସିଂହ ୧୦ ମିଟର ଏୟାର ରାଇଫଲ୍ ଯୋଗ୍ୟତା ପର୍ଯ୍ୟାୟରେ ୬୨୮.୩ ସ୍କୋର୍ କରିଥିଲେ ମଧ୍ୟ ଫାଇନାଲ୍ରେ ପହଞ୍ଚିବାରେ ବିଫଳ ହୋଇଥିଲେ।
ରାଜ୍ୟଗୋଷ୍ଠୀ କ୍ରୀଡ଼ା: ଭାରତକୁ ପ୍ରଥମ ସ୍ବର୍ଣ୍ଣପଦକ ଜିତାଇଛନ୍ତି ମୀରାବାଈ ଚାନୁ
Garvita Odia- July 27, 2026
ଗ୍ଲାସ୍ଗୋ : ଚଳିତ ରାଜ୍ୟଗୋଷ୍ଠୀ କ୍ରୀଡ଼ାରେ ଭାରତକୁ ପ୍ରଥମ ସ୍ବର୍ଣ୍ଣପଦକ ଜିତାଇଛନ୍ତି ମୀରାବାଈ ଚାନୁ। ରବିବାର ମହିଳା ୪୮ କିଗ୍ରା ଭାରୋତ୍ତୋଳନ ବର୍ଗରେ ପ୍ରଥମ ସ୍ଥାନରେ ରହି ମୀରାବାଈ ସ୍ବର୍ଣ୍ଣପଦକ ଜିତି ପାରିଛନ୍ତି। ମଣିପୁରର ୩୨ ବର୍ଷ ବୟସ୍କା ମୀରାବାଈ ମୋଟ…
