Garvita Odia
ଦେବଗଡ଼:ଦେବଗଡ ଜିଲ୍ଲା ବାରକୋଟ ବ୍ଲକ ମାଦଳିଆ ଗ୍ରାମରେ ଚାଷକାର୍ଯ୍ୟ ସାରି ଫେରୁଥିବା ବେଳେ ପାହାଡି ନାଳରେ ଭାସି ଯାଇ ଜଣେ ଚାଷୀଙ୍କ ମୃତ୍ୟୁ ଘଟିଛି। ମୃତକ ହେଲେ ମାଦଳିଆ ଗ୍ରାମର ପୂର୍ଣ୍ଣଚନ୍ଦ୍ର ଆପଟ। ସୂଚନା ଅନୁଯାୟୀ, ପୂର୍ଣ୍ଣଚନ୍ଦ୍ର ଚାଷ କାର୍ଯ୍ୟ ସାରି ଗ୍ରାମ ନିକଟସ୍ଥ ପାହାଡି ନାଳ ପାର କରି ଘରକୁ ଫେରୁଥିବା ବେଳେ ବଢି ପାଣିରେ ଭାସି ଯାଇ ନିଖୋଜ ହୋଇଯାଇଥିଲେ। ଖବର ପାଇ ବାରକୋଟ ଅଗ୍ନିଶମ ବିଭାଗ ଓ ପୁଲିସ ଘଟଣାସ୍ଥଳରେ ଖୋଜାଖୋଜି କରିବା ପରେ ଆଜି ସକାଳେ ନାଳ ଠାରୁ ଦୂରରେ ଥିବା ଗଛରେ ଲଟକିଥିବା ଅବସ୍ଥାରେ ପୂର୍ଣ୍ଣଚନ୍ଦ୍ରଙ୍କ ମୃତଦେହ ଉଦ୍ଧାର କରାଯାଇଥିଲା। ବାରକୋଟ ଥାନା ପୁଲିସ ଶବ ଜବତ କରି ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
