Garvita Odia
ଭୁବନେଶ୍ୱର : ଦଳକୁ ପୁନର୍ଗଠନ କରିବାରେ ଲାଗି ପଡ଼ିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ । ଦଳର ସଂଖ୍ୟାଲଘୁ ସେଲ୍ ନବକଳେବର କରାଯାଇଛି । ରାଜ୍ୟସ୍ତରୀୟ ସେଲ୍କୁ ପୁନର୍ଗଠନ କରାଯିବା ସହ ୩୦ଟି ସାଂଗଠନିକ ଜିଲ୍ଲାରେ ସଂଖ୍ୟାଲଘୁ ସେଲ୍ ସଭାପତି ଘୋଷଣା ହୋଇଛି । ଦିଲ୍ଲୀପ ତୀର୍କି, ମୁଜିବୁଲ୍ଲା (ମୁନ୍ନା) ଖାନ, ସାଂସଦ ସସ୍ମିତ ପାତ୍ରଙ୍କୁ ସଂଖ୍ୟାଲଘୁ ସେଲ୍ ଉପଦେଷ୍ଟା ନିଯୁକ୍ତ କରାଯାଇଛି । ଦଳର ବରିଷ୍ଠ ନେତା ତଥା ଭୁବନେଶ୍ୱରର ପୂର୍ବତନ କର୍ପୋରେଟର ଏସ.କେ. ନିଜାମୁବ୍ଦିନଙ୍କୁ ସଂଖ୍ୟାଲଘୁ ସେଲ୍ ରାଜ୍ୟ ସଭାପତି ଦାୟିତ୍ୱ ଦିଆଯାଇଛି । କାର୍ଯ୍ୟକାରୀ ସଭାପତି ଭାବେ ବିଧାୟକ ରୋହିତ ଯୋଶେଫ ତୀର୍କି, ରିଜୱାନା ବେଗମ, ଅମଜାଦ ଅଲ୍ଲୀ ଖାନ ନିଯୁକ୍ତ ହୋଇଛନ୍ତି । ୨୮ଜଣ ଉପସଭାପତି, ୩୦ଜଣ ବରିଷ୍ଠ ସାଧାରଣ ସମ୍ପାଦକ, ୩୧ଜଣ ସାଧାରଣ ସମ୍ପାଦକ, ୨୫ଜଣ ସମ୍ପାଦକ, ୨୧ଜଣ ଯୁଗ୍ମ ସମ୍ପାଦକଙ୍କୁ ଏହି ଟିମରେ ସାମିଲ କରାଯାଇଛି ।
୩୦ଟି ସାଂଗଠନିକ ଜିଲ୍ଲାରେ ସଂଖ୍ୟାଲଘୁ ସେଲ୍ ପାଇଁ ନୂଆ ସଭାପତି ଘୋଷଣା କରାଯାଇଛି । ହସରତ ହୁସେନ-ଢେଙ୍କାନାଳ, ଅବଦଶ ସମାଦ ଖାନ-ବାଲେଶ୍ୱର, ଜମିଲ ଅଖତର ଖାନ-ଭଦ୍ରକ, ମୁସରଫ ଖାନ- ଭୁବନେଶ୍ୱର, ଏମ୍ଡି ସଫିଉଲ-ବୌଦ୍ଧ, ଏମ୍ଡି ଅସଦୁଲ୍ଲା ଖାନ-ବଲାଙ୍ଗୀର, ଭୁଷଣ ମିଞ୍ଜ-ଦେବଗଡ଼, ଏସ୍କେ ନାଜିମୁବ୍ଦିନ-ବରଗଡ଼, ପ୍ରଶାନ୍ତୋ ବୀରୋ-ଗଜପତି, କୁଲଦୀପ ସିଂ ଧିଲନ-ଗଞ୍ଜାମ, ଏମ୍ଡି ସିକନ୍ଦର ଆଲାମ-ଜଗତସିଂହପୁର, ମୀନାହଜ ଉଲ ଆବେଦିନ-ଝାରସୁଗୁଡ଼ା, ଇମାନୁଲ ରଥ-କନ୍ଧମାଳ, ଏସ୍କେ ହୁମାୟୁନ- କଟକ, ନାସିର ହାୟତ-କେନ୍ଦୁଝର, ମୋକିମ ଖାନ-କଟକ ମହାନଗର, ଅଖତର ଅଲ୍ଲୀ ଖାନ-ଖୋର୍ଦ୍ଧା, ରାଜେନ୍ଦ୍ର ଖାସଲା-ମାଲକାନଗିରି, ଏମ୍ଡି ଜରର-ମୟୂରଭଞ୍ଜ-୨, କାଦିର ମହମ୍ମଦ ଖାନ-କଳାହାଣ୍ଡି, ରାଜକୁମାର ଦାସ-କୋରାପୁଟ, ସରୋଜ ଜାଲ୍-ନବରଙ୍ଗପୁର, ଏସ୍କେ ନଇମ-ନୟାଗଡ଼, ସାହିଦ ମହମ୍ମଦ- ନୂଆପଡ଼ା, ଅମିନୁଦ୍ଦିନ ଖାନ-ପୁରୀ, ଜଲିଲ ଖାନ-ରାୟଗଡ଼ା, ଇଜାଜ ଅହମ୍ମଦ-ରାଉରକେଲା, ଅଫତାବ ଆଲାମ-ସମ୍ବଲପୁର, ଆକବର ଅଲ୍ଲୀସୋନପୁର, ମହମ୍ମଦ ସାହାବୁଦ୍ଦିନ- ସୁନ୍ଦରଗଡ଼ ଜିଲ୍ଲା ସଂଖ୍ୟାଲଘୁ ସେଲ୍ ସଭାପତି ଭାବେ ବିଜେଡି ନିଯୁକ୍ତ କରିଛି । ବଲାଙ୍ଗୀର ପାଇଁ ଅବଦୁଲ ରଫିକ (ସଜ୍ଜୁ) ଓ କଟକ ମହାନଗରରେ ଜନ୍ ଆଶିଷ ବରାଳ ଏବଂ ସୁନ୍ଦରଗଡ଼ରେ ବିଜୟ କୁମାର ସୋରେଙ୍ଗଙ୍କୁ କାର୍ଯ୍ୟକାରୀ ସଭାପତି ଦାୟିତ୍ୱ ଦେଇଛନ୍ତି ନବୀନ ।
