ଗ୍ରାମ ପଞ୍ଚାୟତ ସ୍ତରୀୟ ନିଶାମୁକ୍ତ ସଚେତନତା ଅଭିଯାନ

ଦେବଗଡ ତା ୨୯.୫.୨୬ ରିଆମାଳ ବ୍ଲକ୍ ଗୁଣ୍ଡିଆପାଲି ଗ୍ରାମ ପଞ୍ଚାୟତଠାରେ ଜିଲ୍ଲା ସାମାଜିକ ସୁରକ୍ଷା ବିଭାଗ ପକ୍ଷରୁ ନିଶାମୁକ୍ତ ଅଭିଯାନ ଅନୁଷ୍ଠିତ ହୋଇଯାଇଛି।ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଶ୍ରୀନିବାସ ଜାନିଙ୍କ ସଭାପତିତ୍ଵ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ସରପଞ୍ଚ ପ୍ରକାଶ କୁମାର ଆଚାର୍ଯ୍ଯ, ସମ୍ମାନିତ ଅତିଥି ଭାବେ ରିଆମାଳ ବ୍ଲକ୍ ସାମାଜିକ ସୁରକ୍ଷା ଅଧିକାରୀ ଭୂପେନ୍ଦ୍ର କୁମାର୍ ପ୍ରଧାନ,ଅବକାରୀ ଇନ୍ସପେକଟର ତେଲେଷ୍ଫର ଲାକ୍ରା,CRCC ଦାଶରଥି ସାହୁ, ହୃଷିକେଶ ସାହୁ ପ୍ରମୁଖ ଯୋଗ ଦେଇ ସର୍ବ ପ୍ରଥମେ ନିଶାନିବାରଣର ଶପଥ ପାଠ କରିଥିଲେ।ପରେ ପରେ ନିଶାମୁକ୍ତ ଭାରତ ଅଭିଯାନର ନିଶା ଦ୍ରବ୍ୟ ଠାରୁ ଦୂରେଇ ରହିବା ଏବଂ ନିଶା ଓ ମଦ୍ୟପାନ କ୍ଷତିକାରକ ସମ୍ପର୍କରେ ସଚେତନତା ସୃଷ୍ଠି କରିବା ଏବଂ ଏକ ସୁସ୍ଥ ନିଶାମୁକ୍ତ ସମାଜ ଗଠନ କରିବାକୁ ଆହ୍ୱାନ କରିଥିଲେ। ନିଶାମୁକ୍ତ ଭାରତ ଅଭିଯାନରେ ଗୁଣ୍ଡିଆପାଲି ପଞ୍ଚାୟତର ସମସ୍ତ ଅଙ୍ଗନୱାଡି କର୍ମୀ, ୱାର୍ଡ ମେମ୍ବର ,ଆଶା,MBK,CRP ଏବଂ ସ୍ୱୟଂ ସହାୟକ ଗୋଷ୍ଠୀ ପ୍ରମୁଖ ଉପସ୍ଥିତ ଥିଲେ।