Garvita Odia
ଅନୁଗୁଳ: ଅନୁଗୁଳରେ ପୁଣି ଏକ ଏନକାଉଣ୍ଟର । କୁଖ୍ୟାତ ଅପରାଧୀ କ୍ଷୀରୋଦ ନାୟକକୁ ଏନକାଉଣ୍ଟର । ତାର ଡାହାଣ ଗୋଡ଼ରେ ବାଜିଛି ଗୁଳି। ତାକୁ ଅନୁଗୁଳ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ରିପୋର୍ଟ ଅନୁଯାୟୀ, ଅପରାଧି କ୍ଷୀରୋଦ ନାୟକକୁ ଏନକାଉଣ୍ଟର କରିଛି ଅନୁଗୁଳ ପୋଲିସ। କୁକୁଡାଙ୍ଗ,ହନୁମାନ ବାଟୀକା ନିକଟରେ ହୋଇଛି ଏନକାଉଣ୍ଟର। ତାର ଡାହାଣ ଗୋଡରେ ଗୁଳି ବାଜିବାରୁ ତାକୁ ଅନୁଗୋଳ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। କ୍ଷୀରୋଦ ନାଁରେ ବିଭିନ୍ନ ଥାନାରେ ୩୦ରୁ ଅଧିକ ଅପରାଧିକ ମାମଲା ରହିଛି । ତା ଘର ଛେଣ୍ଡିପଦା ବୋଲି ଜଣାପଡିଛି। ତେବେ ଖାଲି କ୍ଷୀରୋଦ ନୁହେଁ ଗତ ୨ ତାରିଖରେ ଅନୁଗୁଳ ଜିଲ୍ଲାର ତାଳଚେରରେ ହୋଇଥିଲା ଏନକାଉଣ୍ଟର। କୁଖ୍ୟାତ ଅପରାଧି ସୁଶାନ୍ତ ନାୟକକୁ ହୋଇଥିଲା ଏନକାଉଣ୍ଟର। ତାର ବାମ ଗୋଡ଼ରେ ବାଜିଥିଲା ଗୁଳି। ୪ ଦିନ ଭିତରେ ଦୁଇ ଜଣଙ୍କୁ ଏନକାଉଣ୍ଟର କଲାଣି ଅନୁଗୁଳ ପୋଲିସ।
