Garvita Odia
ନୀଳଗିରି: ଏକ ନିର୍ମାଣାଧୀନ ପୋଲ ତଳକୁ ଖସି ୨ଯୁବକଙ୍କ ଅକାଳ ମୃତ୍ୟୁ ଘଟିଛି। ମୃତକ ଦ୍ବୟ ହେଲେ; ଔପଦା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ଅଧୀନ ଖୁମକୁଟ ଗାଁର ରାମଦାସ ସୋରେନଙ୍କ ପୁଅ ଦିଲୀପ(୩୨) ଓ ଶଙ୍କରା ମୁର୍ମୁଙ୍କ ପୁଅ ନରେନ୍ଦ୍ର ଓରଫ ନୁରିନ(୪୦)। ଏହି ଯୁବକ ଦ୍ବୟ ଏକ ବାଇକରେ ଉଦଳାରୁ ବନ୍ଧୁ ଘରୁ ଫେରୁଥିଲେ। ରାତି ପ୍ରାୟ ୧୦ଟା ୪୫ମିନିଟରେ ନୀଳଗିରି-କପ୍ତିପଦା ପୂର୍ତ୍ତ ରାସ୍ତାର ତେଲିପାଳ ନିକଟରେ ନିର୍ମାଣାଧୀନ ପୋଲ ତଳକୁ ବାଇକ ସହ ଖସି ମୃତ୍ୟୁ ଘଟିଛି। ପୋଲ ନିର୍ମାଣ ଚାଲିଥିବା ସ୍ଥଳରେ ଠିକାଦାରଙ୍କ ଦ୍ୱାରା ଏକ ଡ଼ାଇଭର୍ସନ ରାସ୍ତା ନିର୍ମାଣ ହୋଇଛି। ଏହି ଯୁବକ ଦ୍ବୟ ବାଙ୍କ ରାସ୍ତା ଜାଣି ନପାରି ପୋଲ ତଳକୁ ବାଇକ ସହ ଖସି ପଡ଼ି ମୃତ୍ୟୁ ଘଟିଛି। ତାଙ୍କୁ ସେଠାରୁ ଉଦ୍ଧାର କରାଯାଇ ନୀଳଗିରି ଡାକ୍ତରଖାନାକୁ ଅଣାଯିବା ପରେ ଡାକ୍ତର ମୃତ ଘୋଷଣା କରିଛନ୍ତି। ସେପଟେ ବରହମପୁର ପୁଲିସ ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ସୂଚନା ମିଳିଛି।
