Garvita Odia
ଭୁବନେଶ୍ଵର : ବାଲିଅନ୍ତା ବର୍ବରତା ନେଇ ରାଜନୀତି ସରଗରମ। ଆଇନ ଶୃଙ୍ଖଳା ପରିସ୍ଥିତିକୁ ନେଇ ସରକାରଙ୍କ ଉପରେ କଂଗ୍ରେସ ସାମ୍ବାଦିକ ସମ୍ବିଳନୀ କରି ଜୋରଦାର୍ ବର୍ଷିଛି। କଂଗ୍ରେସ ମୁଖପାତ୍ର ସୋନାଲି ସାହୁ କହିଛନ୍ତି ଯେ, ଓଡ଼ିଶାରେ ତାଲିବାନି ଶାସନ ଚାଲିଛି। ପୂର୍ବ ସରକାରଠୁ ବଳିଗଲା ଡବଲ ଇଞ୍ଜିନ ସରକାର। ରାଜ୍ୟରେ ଆଇନ ଶୃଖଳା ବିପର୍ୟ୍ୟସ୍ତ। ସରକାରଙ୍କ ମନ୍ତ୍ରୀ ବିଧାୟକ ଏଠି ଝାଲମୁଢି ଖାଇବାରେ ବ୍ୟସ୍ତ। କଣାସ ଘଟଣା, ହିଞ୍ଜିଳି ଘଟଣା ଛାତି ଥରେଇ ଦେଇଥିଲା। ମନରୁ ଏ ଘଟଣା ନଲିଭିଣୁ ଗତକାଲି ବାଲିଅନ୍ତାର ଭିଡ଼ ହିଂସା ଘଟଣା ସାମ୍ନାକୁ ଆସିଲା। ଏସବୁ ଘଟଣା ପାଇଁ ସରକାରୀ ବ୍ୟବସ୍ଥା ଦାୟୀ। ପୁଲିସ କେବଳ ନେତାଙ୍କୁ ଜଗିବାରେ ବ୍ୟସ୍ତ। ପୁଲିସ ଠିକଣା ସମୟରେ ପହଁଚି କାର୍ୟ୍ୟାନୁଷ୍ଠାନ ନେଇଥିଲେ ଆଜି ଏତେ ବଡ଼ ଘଟଣା ଘଟିନଥାନ୍ତା। ପୁଲିସର ନିଷ୍କ୍ରିୟତା ପାଇଁ ଏ ଘଟଣା ଘଟିଛି। ଓଡ଼ିଶା ପୁଲିସ କଣ୍ଟ୍ରୋଲ ରୁମକୁ କିଏ ଚଳାଇଛନ୍ତି। ସରକାର ସ୍ପଷ୍ଟୀକରଣ ରଖନ୍ତୁ। ଏ ଘଟଣା ପାଇଁ ପୁଲିସ ଦାୟୀ।
