Garvita Odia
ଭୁବନେଶ୍ଵର : ଭୁବନେଶ୍ବର ବାଲିଅନ୍ତା ବର୍ବରତା। GRP କନେଷ୍ଟବଲ ସୈାମ୍ୟରଞ୍ଜନ ସ୍ବାଇଁଙ୍କୁ ପିଟିପିଟି ହତ୍ୟା ମାମଲାରେ ଗିରଫ ସଂଖ୍ୟା ୭କୁ ବୃଦ୍ଧି। ଆହୁରି ୫ ଜଣଙ୍କୁ ଅଟକ ରଖି ପଚରାଉଚରା କରୁଛି ପୁଲିସ। ଘଟଣାସ୍ଥଳର ଆଖପାଖ ଗାଁ ଗୁଡ଼ିକୁ ଗିରଫଦାରୀ ଭୟ ଘାରିଛି। ପୁରୁଷମାନେ ଘର ଛାଡ଼ି କେଉଁଆଡ଼େ ଫେରାର୍ ହୋଇଯାଇଛନ୍ତି। ଆଖପାଖ ଗାଁ ଏବେ ପୁରୁଷଶୂନ୍ୟ ହୋଇଯାଇଛି। ସେପଟେ ପୁଲିସ ଜୋରଦାର୍ ତନାଘନା ଚଳାଇଛି। ସିସିଟିଭି ଭିଡିଓ ଆଧାରରେ ଅନ୍ୟ ଅଭିଯୁକ୍ତଙ୍କୁ ଧରିବାକୁ ବାଲିଅନ୍ତା ପୁଲିସ ବିଭିନ୍ନ ସ୍ଥାନରେ ଚଢାଉ କରୁଛି। ସମସ୍ତ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପୁଲିସ ଡିଜି ୱାଇ. ବି. ଖୁରାନିଆ କହିଛନ୍ତି।
ବେଣୁପୁର ଗାଁରେ ପୀଡିତାଙ୍କ ଘର । ସେ ଫୋନ୍ କରିବା ଯୋଗୁ ତାଙ୍କ ସମ୍ପର୍କୀୟଙ୍କ ସମେତ ଅନେକ ଗ୍ରାମବାସୀ ଘଟଣାସ୍ଥଳକୁ ମାଡି ଆସିଥିଲେ। ସୌମ୍ୟଙ୍କୁ ପିଟିପିଟି ହତ୍ୟା କରିଥିଲେ। ତେଣୁ ଗିରଫ ଭୟରେ ଗାଁର ଅନେକ ଘରୁ ପୁରୁଷମାନେ କେଉଁଆଡେ ଉଭାନ ହୋଇଯାଇଛନ୍ତି। ଘଟଣାସ୍ଥଳର ଅତି ନିକଟରେ ତିବା ବାଲି କାନ୍ତିଆ ଗାଁର ଅଧିକାଂଶ ଘରେ ପୁରୁଷ ଲୋକଙ୍କ ଦେଖା ମିଳୁନି। ସୌମ୍ୟରଞ୍ଜନଙ୍କ ସହ ଯାହା ଘଟିଲା ତାକୁ ସହଜରେ ଗ୍ରହଣ କରିପାରୁନାହାନ୍ତି ପରିବାର ଲୋକ। ରାସ୍ତା ମଝିରେ ଅସଦାଚରଣ କରିବା ଅଭିଯୋଗକୁ ପରିବାର ଲୋକ ମିଛ ବୋଲି କହିଛନ୍ତି । ରାଜ୍ୟ ବାହାରେ ଦୁଇ ପୀଡିତା ଯୁବତୀଙ୍କର ପଲିଗ୍ରାଫ୍ ଟେଷ୍ଟ କରିବାକୁ ଦାବି କରିଛନ୍ତି। ଗତକାଲି କ୍ରାଇମ୍ ସ୍ପଟ୍ ରେ ପୋଲିସ DG ଓ ମହିଳା କମିଶନ ଅଧ୍ୟକ୍ଷା ପହଞ୍ଚି ଅନୁଧ୍ୟାନ କରିଥିଲେ।
ସେପଟେ ସୌମ୍ୟଙ୍କ ମୃତଦେହ ତାଙ୍କ ଗାଁରେ ପହଞ୍ଚିବା ପରେ ସେଠାରେ ତୀବ୍ର ଉତ୍ତେଜନା ଦେଖାଦେଇଥିଲା । ସ୍ଥାନୀୟ ଲୋକେ ପୁଲିସକୁ ଦାୟୀ କରି ରାସ୍ତା ଅବରୋଧ କରିଥିଲେ। ନ୍ୟାୟ ଦାବି କରିଥିଲେ। ଏହି ଘଟଣାରେ ୭ ଜଣକୁ ଗିରଫ କରାଯାଇଛି । ଅଭିଯୁକ୍ତଙ୍କୁ ଗିରଫ ବେଳେ ପୁଲିସ ପ୍ରବଳ ଉତ୍ତେଜନାର ସାମ୍ନା କରିଛି । ଅନ୍ୟ ଅଭିଯୁକ୍ତଙ୍କୁ ଧରିବାକୁ କମିଶନରେଟ ପୁଲିସ ବିଭିନ୍ନି ସ୍ଥାନରେ ଛାପା ମାରିଛି।
