Garvita Odia
ଦେବଗଡ:ବାରକୋଟ ଥାନାଚଂଳର ରାଜ୍ୟ ରାଜପଥ ୧୦ର ଇନ୍ଦ୍ରାଣୀଝରଣ ଗ୍ରାମ ନିକଟରେ କେମ୍ପର ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ଘଟିଛି। ମୃତକ ହେଲେ ବାରକୋଟ ଥାନାଚଂଳର ଡଅଁରା ଗ୍ରାମର ଜିତେନ ଦାସ( ୪୭)। ସୂଚନା ଅନୁଯାୟୀ,ଜିତେନ ନିଜ ବାଇକ( ଓଡି ୩୫ ସି ୦୭୪୬) ଯୋଗେ ଗତକାଲି ରାତିରେ କାମ ସାରି ନିଜ ଘରକୁ ଫେରୁଥିଲେ। ତେବେ ଲହୁଣୀପଡା ପଟୁ ବାରକୋଟ ଅଭିମୁଖେ ଆସୁଥିବା କେମ୍ପର(ଓଡି ୧୪ ଏଏ ୦୮୮୫) ଇନ୍ଦ୍ରାଣୀଝରଣ ଗ୍ରାମ ନିକଟରେ ବାଇକରେ ଯାଉଥିବା ଜିତେନ ଧକ୍କା ଦେଇଥିଲା। ଫଳରେ ଜିତେନ ରାସ୍ତାରେ ଛିଟିକି ପଡିଥିଲେ। ତାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ବାସିନ୍ଦା ଉଦ୍ଧାର କରି ପ୍ରଥମେ ବାରକୋଟ ମେଡିକାଲ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। କିନ୍ତୁ ଡାକ୍ତର ଜିତେନକୁ ମୃତ ଘୋଷଣା କରିଥିଲେ। ସୂଚନାପାଇ ବାରକୋଟ ଥାନା ପୁଲିସ ଶବ ଜବତ କରିବା ସହ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
