Garvita Odia
ଦେବଗଡ଼:ଦେବଗଡ ଥାନାଚଂଳର ଗୁଣ୍ଡୁରିପୋଷି କଲୋନୀ ସାହିର ପପୁ ସାହୁ(୨୯)କୁ ଛୁରୀ ଭୁଶି ହତ୍ୟା କରାଯାଇଥିବା ନେଇ ଗତକାଲି ରାତିରେଦେବଗଡ ଥାନାରେ ଅଭିଯୋଗ ହୋଇଛି।ଅଭିଯୋଗ ପାଇବା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।ସୂଚନା ଅନୁଯାୟୀ,ଗତକାଲି ରାତିରେ ରକ୍ତ ଜୁଡୁବୁଡୁ ଅବସ୍ଥାରେ ଘର ଭିତରୁ ଚିତ୍କାର କରି ପପୁ ଗାଁ ଭିତର ରାସ୍ତାକୁ ଆସିଥିଲେ।ଚେତାଶୂନ୍ୟ ହୋଇ ରାସ୍ତା ଉପରେ ସେ ପଡିଯିବା ପରେ ତାଙ୍କ ଜଙ୍ଘରୁ ପ୍ରବଳ ରକ୍ତସ୍ରାବ ହେଉଥିବା ତାଙ୍କ ବାପା ଏବଂ ସ୍ଥାନୀୟ କିଛି ଲୋକ ଦେଖିବାକୁ ପାଇଥିଲେ।ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଭର୍ତ୍ତି କରିଥିଲେ। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗାଁରେ ପାନୀୟ ଜଳ ଯୋଗାଣକୁ ନେଇ ଘଟଣାର ପୂର୍ବ ଦିନ ପପୁଙ୍କ ସହିତ କେତେଜଣ ଯୁବକଙ୍କ ଗଣ୍ଡଗୋଳ ହୋଇଥିଲା। ଏହାକୁ କେନ୍ଦ୍ର କରି ହତ୍ୟା କରାଯାଇଥିବା ମୃତକଙ୍କ ବାପା ଦେବଗଡ ଥାନାରେ ଲିଖିତ ଅଭିଯୋଗ କରିଛନ୍ତି। ହତ୍ୟାର କାରଣ କିଛି ସ୍ପଷ୍ଟ ହୋଇନଥିବା ବେଳେ ସାଇଣ୍ଟିଫିକ ଟିମ ଆସିଲା ପରେ ଘଟଣାର ଅଧିକ ତଦନ୍ତ କରାଯିବ ପୁଲିସ କହିଛି।
