Garvita Odia
ୱାଶିଂଟନ: ଆମେରିକା ରାଷ୍ଟ୍ରପତି ନିର୍ବାଚନ ପରିପ୍ରେକ୍ଷୀରେ ଭୋଟ ଗଣତି ଜାରି ରହିଛି । ତେବେ ନିର୍ବାଚନରେ ଡୋନାଲ୍ଡ ଟ୍ରମ୍ପ ଜିତିବା ଏକପ୍ରକାର ନିଶ୍ଚିତ । ଭୋଟ ଗଣତି ଚାଲିଥିବାବେଳେ ଟ୍ରମ୍ପ ବହୁ ଆଗରେ ଅଛନ୍ତି । ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ ମ୍ୟାଜକ ନମ୍ବର ପାଖରେ ପହଞ୍ଚି ସାରିଲେଣି ।
ଆଜି ସକାଳେ (ଭାରତୀୟ ସମୟ) ଭୋଟିଂ ଶେଷ ହେବା ପରେ ବିଭିନ୍ନ ରାଜ୍ୟର ପ୍ରାଦେଶିକ କେନ୍ଦ୍ରରେ ମତ ଗଣନା ଜାରି ରହିଛି । ତେବେ ଉଭୟ ପ୍ରାର୍ଥୀଙ୍କ ମଧ୍ୟରେ କଡା ପ୍ରତିଦ୍ୱନ୍ଦ୍ୱିତା ହେଉଥିଲେ ସୁଦ୍ଧା ପ୍ରାରମ୍ଭିକ ଫଳାଫଳରେ ରିପବ୍ଲିକାନ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ, ଡେମୋକ୍ରାଟିକ ପାର୍ଟିର ପ୍ରାର୍ଥୀ କମଲା ହାରିସଙ୍କୁ ପଛରେ ପକାଇଛନ୍ତି । ସ୍ଥାନୀୟ ଓ ଅନ୍ତର୍ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ଏପର୍ୟ୍ୟନ୍ତ ଟ୍ରମ୍ପ ୯୯ ଆସନରେ ବିଜୟୀ ହୋଇଥିବା ବେଳେ ୨୭ଟି ଆସନରେ ବିଜୟୀ ହୋଇଛନ୍ତି ହାରିସ । ତେବେ ଗଣତି ଅନୁସାରେ ଏହି ଧାରାରେ ପରିବର୍ତ୍ତନ ମଧ୍ୟ ଦେଖାଯାଇପାରେ । ଏହି ଗଣତି ଓ ଟ୍ରେଣ୍ଡ ଉପରେ ଏବେ ସାରା ବିଶ୍ବର ନଜର ରହିଛି ।
ଏକାଧିକ ଗଣମାଧ୍ୟମ ସୂତ୍ରରୁ ମିଳିଥିବା ସୂଚନା ଅନୁସାରେ, ହାରିସ ୨୭ଟି ଆସନରେ ବିଜୟୀ ହୋଇଛନ୍ତି । କଲମ୍ବିଆ ଜିଲ୍ଲା (ଓ୍ବାଶିଂଟନ-ଡିସି)ର ସମସ୍ତ ୩ ଆସନ, ମେରିଲ୍ୟାଣ୍ଡର ୧୦ ଇଲୋକ୍ଟୋରାଲ ଆସନ, ମାସାଚୁସେଟ୍ଟାସର ୧୧ ଆସନ ଓ ବରମୋଣ୍ଟର ୩ ଆସନରେ ହାରିସଙ୍କ ପାର୍ଟିର ଇଲେକ୍ଟର ବିଜୟୀ ହୋଇଛନ୍ତି । ସେହିପରି ଟ୍ରମ୍ପ ଏହି ବ୍ୟବଧାନରେ ହାରିସଙ୍କଠାରୁ ଭଲ ବ୍ୟବଧାନରେ ଆଗରେ ଚାଲିଛନ୍ତି । ଆଲାବାମାର ୯ ଆସନ, ଫ୍ଲୋରିଡା ୩୦, ଇଣ୍ଡିଆନା ୧୧, କେଣ୍ଟୁକି ୮, ମିସୌରୀ ୧୦, ଚକାଲୋମାର ୭ ଆସନ ସହ ଦକ୍ଷିଣ-କାରୋଲିନା ୯, ଟେନେସୀ ୧୧ ଓ ପଶ୍ଚିମ-ଭର୍ଜିନିଆର ୪ ଟି ଆସନକୁ ମିଶାଇ ଟ୍ରମ୍ପ ଏପର୍ୟ୍ୟନ୍ତ ୯୯ ଟି ଆସନରେ ବିଜୟୀ ହୋଇଛନ୍ତି ।
