ପ୍ରତାପ ଷଡ଼ଙ୍ଗୀ ସବୁଠୁ ବଡ ନାଟ୍ୟକାର: ଜୟଦେବ

ଭୁବନେଶ୍ୱର: ସଂସଦ ଘଟଣାକୁ ନେଇ ବିଜେପି ଉପରେ ବାର୍ଷିଲେ କଂଗ୍ରେସ ନେତା ଜୟଦେବ ଜେନା। ସେ କହିଛନ୍ତି, ବିଜେପି ବ୍ୟାକଫୁଟରେ ଅଛି । ହାଇଡ୍ରାମା କରୁଛି ବିଜେପି । ପ୍ରତାପ ଷଡ଼ଙ୍ଗୀଙ୍କ ମୁଣ୍ଡ ଫାଟିଛି, ରକ୍ତ ବାହାରୁଛି କେହି ଦେଖିଲେନି। ଇଣ୍ଡିଆ ମେଣ୍ଟର ସାଂସଦମାନଙ୍କୁ ସଂସଦ ଭିତରକୁ ନଛାଡିବା ପାଇଁ ଏ ଯୋଜନା । କାରଣ ଇଣ୍ଡିଆ ମେଣ୍ଟର ସାଂସଦମାନେ ସଂସଦରେ ଧାରଣାରେ ବସିବେ । ତେଣୁ ଏମିତି ନାଟକ କରୁଛନ୍ତି । ରାହୁଲ ଗାନ୍ଧୀଙ୍କୁ ବିଭିନ୍ନ ଆଇନ ଜାଲରେ ଛନ୍ଦିବା ପାଇଁ ଏପରି ନାଟକ ବୋଲି କହିଛନ୍ତି ଜୟଦେବ। ସାଂସଦ ପ୍ରତାପ ଷଡ଼ଙ୍ଗୀ ଗଣନାଟ୍ୟର ସବୁଠୁ ବଡ ନାଟ୍ୟକାର ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ଜୟଦେବ ଜେନା। ଆମ୍ବେଦକରଙ୍କୁ ନେଇ କେନ୍ଦ୍ର ଗୃହମନ୍ତ୍ରୀଙ୍କ ମନ୍ତବ୍ୟ ସହ ଡବଲ ଇଞ୍ଜିନ ସରକାରଙ୍କ ମନ୍ତବ୍ୟକୁ ଦେବାକୁ କେବେ ଗ୍ରହଣ କରିବେ ନାହିଁ । ମଲ୍ଲିକା ଅର୍ଜୁନ ଖଡଗେକୁ ମଧ୍ୟ ବିଜେପି ସାଂସଦମାନେ ହଇରାଣ କରୁଛି । ବିଜେପି ହିଂସାକୁ ବିଶ୍ୱାସ କରେ । ସଂସଦରେ ଗୁଣ୍ଡାଗର୍ଦ୍ଦି କରୁଛି ବିଜେପି । ବିଜେପି ଶାସନରେ ଅଛି ବୋଲି ଯାହା ପାରୁଛି ତାହା କରୁଛି । ହିଂସାକାଣ୍ଡ କରି ଅଶାନ୍ତ ପରିସ୍ଥିତି ସୃଷ୍ଟି କରୁଛି । ସତ ସାମ୍ନାକୁ ଆସିବ । ଲୋକେ ବିଜେପିକୁ ଜାଣି ସାରିଲେଣି ବୋଲି କହିଛନ୍ତି ଜୟଦେବ ଜେନା ।