Garvita Odia
ସାପୋପାନ୍ (ମେକ୍ସିକୋ): ଚଳିତ ଫିଫାବିଶ୍ବକପ୍ରେ ଏସୀୟ ମହାଦେଶୀୟ ଦଳ ଦକ୍ଷିଣ କୋରିଆ ବିଜୟରୁ ଅଭିଯାନ ଆରମ୍ଭ କରିଛି। ଗ୍ରୁପ୍-ଏ’ର ଦ୍ବିତୀୟ ମ୍ୟାଚ୍ରେ ଏହି ଦଳ ୨-୧ ଗୋଲ୍ରେ ଚେକ୍ ଗଣରାଜ୍ୟକୁ ପରାସ୍ତ କରିଛି। କଡ଼ା ସଂଘର୍ଷପୂର୍ଣ୍ଣ ଏହି ମ୍ୟାଚ୍ର ପ୍ରଥମାର୍ଦ୍ଧ ଗୋଲ୍ଶୂନ୍ୟରେ ସରିଥିଲା। ୫୯ତମ ମିନିଟ୍ରେ ଚେକ୍ର ଲାଡିସ୍ଲାଭ କ୍ରେସିଙ୍କ ଗୋଲ୍ରେ ଚେକ୍ ଦଳ ପ୍ରାରମ୍ଭିକ ଅଗଣୀ ନେଇଥିଲା। ହେଲେ ୮ ମିନିଟ୍ ପରେ କୋରିଆଗୋଲ୍ଟି ଶୁଝି ସ୍ଥିତି ସମାନ କରିଥିଲେ।
କୋରିଆର ହ୍ବାଙ୍ଗ ଇନ୍ ବିଓମ୍ (୬୭ ମିନିଟ୍)ଙ୍କ ଏହି ଗୋଲ୍ଟି ଦେଇଥିଲେ। ୭୭ତମ ମିନିଟ୍ରେ ଚେକ୍କୁ ମିଳିଥିବା ଫ୍ରିକିକ୍କୁ ଥୋମାସ ସୌସେକ୍ ହେଡର୍ରେ କୋରିଆର ଗୋଲ୍ପୋଷ୍ଟ୍କୁ ପଠାଇ ଖୁସି ମନାଇଥିଲେ। ହେଲେ ରେଫରି ଏହାକୁ ଅଫ୍ସାଇଡ୍ କହିବାରୁ ଚେକ୍ର ଖୁସି ମରି ଯାଇଥିଲା। ଏହାର ୩ ମିନିଟ୍ ପରେ କୋରିଆର ଓହ ହିଉଁ ଗ୍ୟୁ (୮୦ ମିନିଟ୍) ଗୋଲ୍ରେ କୋରିଆ ୨-୧ରେ ବିଜୟ ମୁଣ୍ଡି ମାରିଥିଲା। ଗୁରୁବାର କୋରିଆ ନିଜର ପରବର୍ତ୍ତୀ ମ୍ୟାଚ୍ରେ ସହଆୟୋଜକ ମେକ୍ସିକୋକୁ ଭେଟିବ। ମେକ୍ସିକୋ ୨-୦ ଗୋଲ୍ରେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି।
