Garvita Odia
ପାଟନା: ଏମିତି ଲାଗୁଛି ଯେ, ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବଙ୍କ ପରିବାରରେ ବିବାଦ ଥମିବାର ନାଁ ହିଁ ନେଉ ନାହିଁ। କୁହାଯାଏ ଯେ, ରୋହିଣୀ ଆଚାର୍ୟ୍ୟଙ୍କ ପରେ ଏବେ ଲାଲୁଙ୍କ ଆଉ ତିନି ଝିଅ ମଧ୍ୟ ପାଟନାରୁ ଦିଲ୍ଲୀ ଫେରି ଆସିଛନ୍ତି। ଅନ୍ୟପଟେ, ରୋହିଣୀ ଆଚାର୍ୟ୍ୟ ଲଗାତାର ତେଜସ୍ୱୀ ଯାଦବଙ୍କ ଉପରେ ଆକ୍ରମଣ କରି ଆସୁଛନ୍ତି। ଲଗାତାର ଦ୍ୱିତୀୟ ଦିନ ରୋହିଣୀ ନିଜ ଉପରେ ଆକ୍ରମଣ କରିବା ସହ ଆହୁରି ଅନେକ ଅଭିଯୋଗ କରିଛନ୍ତି। ବିଳମ୍ୱିତ ସନ୍ଧ୍ୟାରେ ରୋହିଣୀଙ୍କର ଆଉ ଏକ ଭିଡ଼ିଓ ସାମ୍ନାକୁ ଆସିଛି, ଯେଉଁଥିରେ ସେ କାନ୍ଦିବା ନଜର ଆସୁଛି।
ରୋହିଣୀ ଯାଦବଙ୍କ ପରେ ଲାଲୁ ଯାଦବଙ୍କ ଆଉ ତିନି ଜଣ ଝିଅ ରାଗିଣୀ , ଚନ୍ଦା ଓ ରାଜଲକ୍ଷ୍ମୀ ପାଟଣା ସ୍ଥିତ ଘର ଛାଡ଼ି ପିଲାଙ୍କ ସହ ଦିଲ୍ଲୀ ଚାଲି ଯାଇଛନ୍ତି। ଏହି ତିନି ଜଣ ଏହି ପଦକ୍ଷେପ ଏମିତି ସମୟରେ ଉଠାଇଛନ୍ତି , ଯେବେ ରୋହିଣୀ ରାଜନୀତି ଓ ପରିବାର ଛାଡ଼ିବାକୁ ଘୋଷଣା କରି ସାରିଛନ୍ତି। ସେ ସଞ୍ଜୟ ଯାଦବ ଓ ରମିଜ୍ଙ୍କର ନାମ ନେଇ ତାଙ୍କ ଉପରେ ମଧ୍ୟ ଅଭିଯୋଗ କରିଛନ୍ତି। ରୋହିଣୀ ଅଭିଯୋଗ କରିଛନ୍ତି ଯେ, ପରିବାରରେ ତାଙ୍କର ଅପମାନ କରାଯାଇଛି, ତାଙ୍କୁ ଗାଳି ଗୁଲଜ କରାଯାଇଛି ଏବଂ ତାଙ୍କୁ ଧମକା ଯାଇଛି।
ତାଙ୍କର କିଡନୀ ଦାନ କରି ତାଙ୍କ ପିତାଙ୍କ ଜୀବନ ବଞ୍ଚାଇ ଥିବା ରୋହିଣୀ ସୋସିଆଲ ମିଡ଼ିଆରେ ଏକ ଭାବପ୍ରବଣର ପୋଷ୍ଟରେ ଲେଖିଛନ୍ତି , ଜଣେ ଝିଅ ,ଭଉଣୀ , ବିବାହିତା ମହିଳା ଏବଂ ମାଆ ଭାବେ ତାଙ୍କୁ ଅଭଦ୍ର ଭାଷାରେ ଅପମାନିତ କରାଯାଇଥିଲା ଏବଂ କେହି ଜଣେ ତାଙ୍କୁ ଚପଲରେ ମାରିବାକୁ ମଧ୍ୟ ଚେଷ୍ଟା କରିଥିଲେ। ଭାବପ୍ରବଣ ହୋଇ ଭାଙ୍ଗି ପଡ଼ିଥିବା ରୋହିଣୀ ଆହୁରି ଲେଖିଛନ୍ତି- ସେ ଏହି ଅପମାନ ସହି ଥିଲେ , କାରଣ ସେ ତାଙ୍କ ଆତ୍ମସମ୍ମାନ ସହ ସାଲିସ୍ କରି ନଥିଲେ ଏବଂ ଯାହାକୁ ସେ ମିଛ କହିଥିଲେ, ତାଙ୍କ ଆଗରେ ମୁଣ୍ଡ ନୁଆଁଇବାକୁ ପ୍ରସ୍ତୁତ ନଥିଲେ।
ରୋହିଣୀ ଆଚାର୍ୟ୍ୟ କହିଥିଲେ ଯେ, ତାଙ୍କର ମାତା-ପିତା ଓ ଭଉଣୀ ତାଙ୍କର ଅପମାନ କାରଣରୁ କାନ୍ଦୁଥିଲେ , ଏହା ସତ୍ତ୍ୱେ ତାଙ୍କୁ ନିଜର ପୈତୃକ ଘର ଛାଡ଼ିବା ପାଇଁ ବାଧ୍ୟ ହେବାକୁ ପଡ଼ିଲା।
