Garvita Odia
ଦେବଗଡ଼ -ବାରକୋଟ ଥାନା ଝୁମ୍ପୁରା ଗ୍ରାମ ଛକ ପାଖରେ ଏକ ହାଇୱା ଟ୍ରକରେ ଏକ ମୋଟର ସାଇକେଲ ଧକ୍କା ଦେବା ଫଳରେ ଜଣଙ୍କର ମୃତ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିବା ଜଣା ପଡିଛି। ସୂଚନା ଅନୁସାରେ ଝୁମ୍ପୁରା ଗ୍ରାମ ଛକ ନିକଟରେ ଏକ ହାଇୱା ଆଗ ଚକ ଫୁଟିଯିବା ଫଳରେ ରାସ୍ତା କଡରେ ଛିଡା ହୋଇଥିଲା। ସିଙ୍ଗୁର ଗ୍ରାମର ଅଶୋକ କୁମାର ପ୍ରଧାନ (୩୫) ପିତା – ମଦନ ମୋହନ ପ୍ରଧାନ, ଅମିତ କୁମାର ସାହୁ ପିତା – ପ୍ରାଣବନ୍ଧୁ ସାହୁ ଉଭୟେ ବାରକୋଟ ପଟରୁ ନିଜ ଗ୍ରାମ କୁ ମୋଟର ସାଇକେଲ (OD19D2661) ଯୋଗେ ନିଜ ଗ୍ରାମ କୁ ଫେରିବା ସମୟରେ ଭାରସାମ୍ୟ ହରାଇ ଝୁମ୍ପୁରା ଛକ ନିକଟରେ ଛିଡା ହୋଇଥିବା ହାଇୱାର ପଛପଟୁ ପିଟି ହେବା ଫଳରେ ଛିଟିକି ହୋଇ ତଳେ ପଡି ଯାଇଥିଲେ। ଫଳରେ ଘଟଣା ସ୍ଥଳରେ ଅଶୋକ କୁମାର ପ୍ରଧାନଙ୍କ ମୃତ ହୋଇଥିବା ବେଳେ ଅମିତ କୁମାର ସାହୁ ଗୁରୁତର ଅବସ୍ଥାରେ ସ୍ଥାନୀୟ ଲୋକଙ୍କ ସହାୟତାରେ ଦେବଗଡ଼ ଡାକ୍ତରଖାନା କୁ ପଠା ଯାଇଥିଲା।ଖବର ପାଇ ବାରକୋଟ ଥାନା ଘଟଣା ସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି।
