ଆଇପିଏଲ : କେକେଆରକୁ ହରାଇଲା ଲକ୍ଷ୍ନୌ

କଲକତା:ଚଳିତ ଆଇପିଏଲ ୧୫ତମ ଲିଗ୍ ମ୍ୟାଚରେ କେକେଆରକୁ ହରାଇଲା ଲକ୍ଷ୍ନୌ । ୧୮୧ରନର ପିଛା କରି ନିର୍ଦ୍ଧାରିତ ୨୦ଓଭରରେ ୭ ଓ୍ବିକେଟ ହରାଇ ୧୮୨ରନ୍ ହାସଲ କରି ନେଇଛି । ପ୍ରଥମେ ବ୍ୟାଟିଂ କରି କେକେଆର୍ ୨୦ ଓଭରରେ ୪ଓ୍ବିକେଟ ହରାଇ ୧୮୧ ରନ୍ କରିଥିଲା ।

ଲକ୍ଷ୍ନୌର ଦୁଇ ବ୍ୟାଟର ଅର୍ଦ୍ଧଶତକ କରିଛନ୍ତି । ଆୟୂଷ ବାଦୋନୀ ୩୪ବଲରେ ୫୪ରନ୍ କରିଥିବାବେଳେ ମୁକୁଲ ଚୌଧୁରୀ ୨୭ ବଲରେ ୫୪ରନ୍ (ନଟ୍ ଆଉଟ) କରିଛନ୍ତି । ସେହିଭଳି ମିଚେଲ୍ ମାର୍ସ ୧୧ ବଲରେ ୧୫ରନ୍, ଏଡେନ ମାର୍କନ ୧୫ବଲରେ ୨୨ରନ୍ , ରିଷଭ ପନ୍ତ ୯ ବଲରେ ୧୦ରନ୍, ନିକୋଲାସ୍ ପୁରନ ୧୫ବଲରେ ୧୩ରନ୍ , ଅବ୍ଦୁଲ ସମାଦ ୪ବଲରେ ୨ରନ୍, ମହମ୍ମଦ ସାମି ୧, ଆବେଶ ଖାନ୍ ୧ ରନ୍(ନଟ୍ ଆଉଟ୍) କରିଛନ୍ତି । ବୋଲିଂର କଥା ଯଦି କହିବା ତେବେ ବୈଭବ ଅରୋରା ଏବଂ ଅନୁକୁଳ ରୟ ୨ଟି ଲେଖାଏଁ ଓ୍ବିକେଟ ନେଇଛନ୍ତି । ସୁନିଲ ନାରିନ, କାର୍ତ୍ତିକ ତ୍ୟାଗି, କ୍ୟାମରୋନ ଗ୍ରୀନ ଗୋଟିଏ ଲେଖାଏଁ ଓ୍ବିକେଟ ନେଇଛନ୍ତି ।
କେକେଆର୍ ଶେଷ ୫ଓଭରରେ ୬୬ରନ କରିଥିଲା । ୧୦ରୁ ୧୫ଓଭର ମଧ୍ୟରେ କେବଳ ୧୭ରନ୍ କରିଥିଲେ ଏବଂ କେକେଆରର ୩ଓ୍ବିକେଟ ଯାଇଥିଲା । ୧୦ଓଭର ପରେ କେକେଆରର ସ୍କୋର ୯୮ରନ୍ ଥିଲା । କିନ୍ତୁ ଏହାପରେ ୧୫ଓଭରରେ ସ୍କୋର କେବଳ ୧୧୫ରନ୍ ପର୍ୟ୍ୟନ୍ତ ହିଁ ଥିଲା ।

ରେବମ୍ୟାନ୍ ପାଓ୍ବେଲ ୨୪ବଲରେ ୩୯ରନ୍ କରି ନଟଆଉଟ ଫେରିଲେ । ତାଙ୍କ ସହ କ୍ୟାମଋନ ଗ୍ରୀନ ୨୪ବଲରେ ୩୨ରନ୍ କରି ନଟଆଉଟ୍ ଫେରିଥିଲେ । ଏହା ପୂର୍ବରୁ ଅଜଙ୍କ୍ୟ ରହାଣେ ୨୪ବଲରେ ୪୧ରନ୍ ଏବଂ ଅଙ୍ଗକୃଷ ରଘୁବଂଶୀ ୩୩ବଲରେ ୪୫ରନ୍ କରି ଆଉଟ ହୋଇଥିଲେ । ଲକ୍ଷ୍ନୌ ଲାଗି ପ୍ରିନ୍ସ ୟାଦବ, ମଣିମରନ ସିଦ୍ଧାର୍ଥ, ଦିବ୍ବେଶ ସିଂହ ରାଠୀ ଏବଂ ଆବେଶ ଖାନ ଗୋଟିଏ ଗୋଟିଏ ଓ୍ବିକେଟ ନେଇଛନ୍ତି ।