ଆପ୍ ସାଂସଦଙ୍କ ଘରେ ଇଡି ଚଢଉ

ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ବୁଧବାର ସକାଳୁ ଆମ ଆଦମୀ ପାର୍ଟି ରାଜ୍ୟସଭା ସାଂସଦ ଅଶୋକ କୁମାର ମିତ୍ତଲଙ୍କ ଘରେ ଚଢାଉ କରିଛି। କିଛିଦିନ ପୂର୍ବରୁ ଦଳ ରାଘବ ଚଢାଙ୍କୁ ରାଜ୍ୟସଭା ଉପନେତା ପଦରୁ ହଟାଇ ଶ୍ରୀ ମିତ୍ତଲଙ୍କୁ ନିଯୁକ୍ତ କରିଥିଲା। ଏହାର କିଛିଦିନ ପରେ ଅର୍ଥାତ ଆଜି ତାଙ୍କ ବିରୁଦ୍ଧରେ ଏହି କାର୍ୟ୍ୟାନୁଷ୍ଠାନ ଦେଖିବାକୁ ମିଳିଛି। ଦଳ ରାଘବ ଚଢାଙ୍କୁ ଉପନେତା ପଦରୁ ହଟାଇବା ପାଇଁ ରାଜ୍ୟସଭା ସଚିବାଳୟକୁ ଚିଠି ଲେଖି ଅନୁରୋଧ କରିଥିଲା ​​ଏବଂ ତାଙ୍କୁ ଦଳର କୋଟାରୁ ଆଉ ଭାଷଣ ସମୟ ପ୍ରଦାନ ନକରିବାକୁ ଅନୁରୋଧ କରିଥିଲା। ଶ୍ରୀ ମିତ୍ତଲ ଏହାକୁ ନେତୃତ୍ୱ ପରିବର୍ତ୍ତନର ନିରନ୍ତର ପ୍ରକ୍ରିୟା ବୋଲି କହିଥିଲେ। ସେ କହିଥିଲେ ଯେ, ପୂର୍ବରୁ ଏନଡି ଗୁପ୍ତା ଜୀ ଡେପୁଟି ଲିଡର ଥିଲେ। ପରେ ରାଘବ ଜୀ ଦାୟିତ୍ୱ ନେଇଥିଲେ ଏବଂ ଏବେ ମୋତେ ଦାୟିତ୍ୱ ଦିଆଯାଇଛି। କାଲି ଅନ୍ୟ କାହାକୁ ସୁଯୋଗ ମିଳିପାରେ ବୋଲି ସେ କହିଥିଲେ।

ତେବେ ଇଡି ଅଧିକାରୀଙ୍କ ସୂଚନା ଅନୁସାରେ, ଜଳନ୍ଧର କ୍ୟାଣ୍ଟରର ୧୬, ଦି ମଲ ରୋଡରେ ଅବସ୍ଥିତ ତାଙ୍କ ବାସଭବନରେ ଏହି ଚଢ଼ାଉ କରାଯାଇଛି। ସେ ପଞ୍ଜାବର ଲଭଲି ପ୍ରଫେସନାଲ୍ ବିଶ୍ୱବିଦ୍ୟାଳୟ ପ୍ରତିଷ୍ଠାତା। ଏହି ବିଶ୍ୱବିଦ୍ୟାଳୟ ସମ୍ପର୍କିତ ଘଟଣା ପାଇଁ ତାଙ୍କ ଘରେ ଚଢ଼ାଉ କରାଯାଇଥିବା ସୂଚନା ମିଳିଛି।