Garvita Odia
ଦେବଗଡ଼:କଳାମାଟିସ୍ଥିତ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଅଧ୍ୟାପକ ମନୋରଞ୍ଜନ ବାରିକଙ୍କ ସଭାପତିତ୍ୱରେ ଜିଲ୍ଲା ମଙ୍ଗଳ ଅଧିକାରୀ ଶିଶିର ପୁହାଣ ମୁଖ୍ୟ ଅତିଥି ଭାବେ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ। ବିଦ୍ୟାଳୟର ଅଧ୍ୟକ୍ଷ ଡୋମନ ଏକ୍କା ବାର୍ଷିକ ବିବରଣୀ ପାଠ କରିଥିଲେ।ପିଟିଏ ସଭ୍ୟ ଲଳିତ ମୋହନ ପ୍ରଧାନ ବିଦ୍ୟାଳୟର ବିକାଶ ଲାଗି ନିଜର ମତ ରଖିଥିଲେ।ଏହି ଅବସରରେ ୨୦୨୬-୨୭ ବର୍ଷ ନିମନ୍ତେ ପିତାମାତା ଶିକ୍ଷକ ସମ୍ମିଳନୀ ନିମନ୍ତେ ନିର୍ବାଚନ ମାଧ୍ୟମରେ ନୂତନ ସଭ୍ୟ ସଭ୍ୟା ନିର୍ବାଚିତ ହୋଇଥିଲେ।ବିଦ୍ୟାଳୟର କୃତୀ ଛାତ୍ର ଛାତ୍ରୀ ତଥା ସିବିଏସ୍ଇ ଦଶମ ପରୀକ୍ଷାରେ ପ୍ରଥମ ଦ୍ଵିତୀୟ ଓ ତୃତୀୟଙ୍କୁ ମୁଖ୍ୟ ଅତିଥି ପୁରସ୍କୃତ କରିଥିଲେ। ଅଧ୍ୟାପିକା ରିମଲୀ ବାନାର୍ଜୀ ଧନ୍ୟବାଦ ଦେଇଥିଲେ। ଏହାପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
