Garvita Odia
ଦେବଗଡ଼:ବାରକୋଟ ବ୍ଲକର ହରେକୃଷ୍ଣପୁର ଗ୍ରାମରେ ୨ମାସ ହେବ ଟ୍ରାନ୍ସଫର୍ମର ପୋଡ଼ି ଯାଇଛି। ଯାହାଫଳରେ ଗ୍ରାମବାସୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗ୍ରାମରେ ନୂତନ ଟ୍ରାନ୍ସଫର୍ମର ବସାଇବା ପାଇଁ ଗ୍ରାମବାସୀମାନେ ଦାବି କରିଛନ୍ତି। ଏନେଇ ଆଜି ବିଜେପି ଯୁବ ନେତା ସୁଧୀର ବ୍ରହ୍ମଙ୍କ ନେତୃତ୍ୱରେ ଗ୍ରାମର ଅର୍ଜୁନ ମହନ୍ତ,ସୁଦର୍ଶନ ମହନ୍ତ, କର୍ମୁଧର ମହନ୍ତ, କୌଳାସ ମହନ୍ତଙ୍କ ସମେତ ଗ୍ରାମବାସୀ ଟିପିସିଓଡିଏଲ ନିର୍ବାହୀ ଯନ୍ତ୍ରୀଙ୍କୁ ଏକ ଦାବି ପତ୍ର ପ୍ରଦାନ କରିଛନ୍ତି। ସୂଚନା ଅନୁଯାୟୀ, ହରେକୃଷ୍ଣପୁର ଗ୍ରାମରେ କୌଣସି କାରଣରୁ ୨ମାସ ହେବ ଟ୍ରାନ୍ସଫର୍ମର ପୋଡ଼ି ଯାଇଥିଲା। ତେବେ ଗ୍ରାମ ନିକଟରେ ଥିବା ଆଉ ଗୋଟିଏ ଟ୍ରାନ୍ସଫର୍ମରରେ ସଂଯୋଗ କରାଯାଇ ଲାଇନ ଦିଆଯାଇଥିଲା। କିନ୍ତୁ ଅତ୍ୟଧିକ ଲୋଡ଼ ଟ୍ରାନ୍ସଫର୍ମରରୁ ଫ୍ୟୁଜ ଉଡ଼ିଯାଉଥିବାରୁ ବିଦ୍ୟୁତ ସରାବରାହ ବିଛିନ୍ନ ହେଉଥିବା ଗ୍ରାମବାସୀ ଅଭିଯୋଗ କରିଛନ୍ତି। ତେବେ ଗ୍ରାମରେ ନୂତନ ଟ୍ରାନ୍ସଫର୍ମର ବସାଇବା ପାଇଁ ଗ୍ରାମବାସୀ ଦାବି କରିଛନ୍ତି।
