Garvita Odiaପାରାଦୀପ ଆସିଥିବା ଏମଭି ଓସିଅନ ୱିନର ଜାହାଜର ୨ ନାବିକଙ୍କୁ ପଚରାଯାଇଛି ୬୭ ପ୍ରଶ୍ନ। ଗତକାଲି ବିଭିନ୍ନ ଏଜେନ୍ସି ପକ୍ଷରୁ ବିଭିନ୍ନ କ୍ୟାଟେଗୋରୀରେ ଏତେ ସବୁ ପ୍ରଶ୍ନ କରାଯାଇଥିଲା। ଜାହାଜ ବୁଡ଼ିବା ସମୟରେ କ’ଣ ଘଟିଥିଲା, କିପରି ସେମାନେ ଜୀବନ ବଞ୍ଚାଇଥିଲେ ଏବଂ ଅନ୍ୟ ନାବିକମାନଙ୍କ ସମ୍ପର୍କରେ କ’ଣ ତଥ୍ୟ ରହିଛି। ସେସବୁ ନେଇ ତଥ୍ୟ ସଂଗ୍ରହ କରାଯାଇଥିବା ଜଣାପଡ଼ିଛି।
କୋଲକାତାସ୍ଥିତ ଚୀନ ବାଣିଜ୍ୟିକ ଦୂତାବାସ କାର୍ଯ୍ୟାଳୟରୁ ଆସିଥିବା ଦୁଇ ଜଣ ଅଧିକାରୀ ଭାଷା ଅନୁବାଦରେ ସହାୟତା କରିଥିଲେ। ସେମାନଙ୍କ ଉପସ୍ଥିତିରେ ଇମିଗ୍ରେସନ, ପୋଲିସ ଓ ଗୁଇନ୍ଦା ବିଭାଗର ଅଧିକାରୀମାନେ ଦୁଇ ନାବିକଙ୍କୁ ବିଭିନ୍ନ ଦିଗରେ ପଚରାଉଚରା କରିଥିଲେ। ସେପଟେ ଜାହାଜ ଓସେନ୍ ୱିନର୍ ବୁଡ଼ି ଘଟଣାକୁ ୮ ଦିନ ବିତିଥିଲେ ବି ଏପର୍ଯ୍ୟନ୍ତ ମିଳୁନି ନିଖୋଜ ୨୨ ନାବିକଙ୍କ ସନ୍ଧାନ।
