କୁଲୁସୁରା ଓ ଠାକୁରପାଲି ଗ୍ରାମକୁ ପ୍ରଧାନମନ୍ତ୍ରୀ ଆଦର୍ଶ ଗ୍ରାମ ଭାବେ ଘୋଷଣା

ଦେବଗଡ଼:ଜିଲ୍ଲା ପ୍ରଶାସନ ଏବଂ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ଦ୍ୱାରା ଆଜି ପ୍ରଧାନମନ୍ତ୍ରୀ ଆଦର୍ଶ ଗ୍ରାମ ଯୋଜନାରେ ବାରକୋଟ ବ୍ଲକର ଅନୁସୂଚିତ ଜାତି ଅଧ୍ୟୁଷିତ ୨ ଗୋଟି ଗ୍ରାମ ମଧ୍ୟପୁର ପଞ୍ଚାୟତର କୁଲୁସରା ଓ ଝରାକଣ୍ଢଳ ପଂଚାୟତର ଠାକୁରପାଲି ଗ୍ରାମକୁ ଆଦର୍ଶ ଗ୍ରାମ ଭାବେ ଘୋଷଣା କରାଯାଇଛି। ଆଜି ଜିଲ୍ଲାପାଳ କବିନ୍ଦ୍ର ସାହୁଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ବିଧାୟକ ରୋମାଞ୍ଚ ରଞ୍ଜନ ବିଶ୍ୱାଳ ମୁଖ୍ୟଅତିଥି,ସାଂସଦଙ୍କ ବାରକୋଟ ବ୍ଲକ୍ ପ୍ରତିନିଧି ହରମୋହନ ପାଣି,ବାରକୋଟ ବ୍ଳକ ବିଡିଓ ସୂର୍ଯ୍ୟକାନ୍ତ ବରିହା,ମଧ୍ୟପୁର ସରପଞ୍ଚ ଇତିକା ପ୍ରଧାନ,ପୂର୍ବ ସରପଞ୍ଚ ଭାରତ ଭୂଷଣ ପ୍ରଧାନ ସମ୍ମାନିତ ଅତିଥି ଭାବେ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ।ଜିଲ୍ଲା ମଙ୍ଗଳ ଅଧିକାରୀ ଶିଶିର ପୁହାଣ କାର୍ଯ୍ୟକ୍ରମର ଉଦ୍ଦେଶ୍ୟ ସମ୍ପର୍କରେ ସୂଚନା ଦେଇଥିଲେ।ପ୍ରକାଶ ଥାଉ କି ଆଦର୍ଶ ଗ୍ରାମ ଯୋଜନାରେ ଏହି ୨ ଗ୍ରାମକୁ ୪୦ ଲକ୍ଷ ଲେଖ।ଏଁ ଆର୍ଥିକ ଅନୁଦାନ ସରକାରଙ୍କ ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ବିଭାଗ ଦ୍ୱାରା ପ୍ରଦାନ କରାଯାଇଥିଲା I ଏହି ଅର୍ଥରେ ବିଭିନ୍ନ ଆବଶ୍ୟକୀୟ ଉନ୍ନୟନ ମୂଳକ କାର୍ଯ୍ୟ ସମ୍ପନ୍ନ କରାଯିବ I ଅତିଥିମାନେ ଏହି ଯୋଜନାରେ କରାଯାଇଥିବା ସମସ୍ତ ପ୍ରକଳ୍ପ ଗ୍ରାମରେ ଭିତ୍ତି ଭୂମି ଅଭାବଜନିତ ସମସ୍ୟା ଦୂର କରିବେ ବୋଲି ମତପୋଷଣ କରିଥିଲେ I ତତସହିତ ବିକାଶର ଧାରା ଆଗକୁ ଜାରି ରହିବ ବୋଲି ପ୍ରକାଶ କରିଥିଲେ। କାର୍ଯ୍ୟକ୍ରମରେ ବ୍ଲକର ସମସ୍ତ ଅଧିକାରୀ କର୍ମଚାରୀ, ଗ୍ରାମବାସୀ,ଜନସାଧାରଣ ପ୍ରମୁଖ ଉପସ୍ଥିତ ଥିଲେ।