Garvita Odia
ଭୁବନେଶ୍ୱର: କୋଟିଆକୁ ନେଇ ପୁଣି ତେଜିଲା ରାଜନୈତିକ ଲଢ଼େଇ । ସୀମା ବିବାଦର ସମାଧାନ ହେଉନି, ଅନ୍ୟପଟେ ମୌଳିକ ସୁବିଧା ଓ ପ୍ରଶାସନିକ ଉପସ୍ଥିତିକୁ ନେଇ ଉଠୁଛି ପ୍ରଶ୍ନ ।”ରାଜ୍ୟ ସ୍ୱାର୍ଥ ସାଙ୍ଗରେ ଏ ସରକାର କୌଣସି ମତେ ସାଲିସ କରିବ ନାହିଁ l କୋଟିଆ ପାଇଁ ସରକାର ସଂକଳ୍ପବଦ୍ଧ, କୋଟିଆବାସୀ କିଭଳି ଭାବେ ସମସ୍ତ ମୌଳିକ ସୁବିଧା ପାଇବେ ଏବଂ ସେମାନେ ଓଡ଼ିଶାର ବାଉଣ୍ଡ୍ରି ଭିତରେ ରହିବେ, ସରକାର ଏଥିପାଇଁ ପ୍ରତିଶ୍ରୁତିବଦ୍ଧ l କଂଗ୍ରେସ ସମୟରୁ କୋଟିଆ ସମସ୍ୟା ରହିଆସିଛି, କିନ୍ତୁ ଏବେ କଂଗ୍ରେସ ନିଜେ ପ୍ରଶ୍ନ କରୁଛି । ରାଜ୍ୟର ମୁଖ୍ୟମନ୍ତ୍ରୀ, ରାଜ୍ୟର ରାଜସ୍ୱ ମନ୍ତ୍ରୀ ଏ ବିଷୟରେ ବିସ୍ତୃତ ଭାବେ କହିଛନ୍ତି ଏବଂ ଆଗକୁ ମଧ୍ୟ କୋଟିଆ ଆମ ସାଙ୍ଗରେ ଥିଲା, ରହିଛି ଓ ରହିବ l ଆମ ମନ୍ତ୍ରୀ ବିଧାୟକ କୋଟିଆର ଗ୍ରାଉଣ୍ଡ ଜିରୋକୁ ଯାଇ କାମ କରନ୍ତି, ଆମେ ଦୂରେରେ ଥାଇକି ଅଫିସର ଲଗେଇ କାମ କରୁନାହୁଁ,” ବୋଲି କହିଛନ୍ତି ବିଜେପି ବିଧାୟକ ବାବୁ ସିଂ l
କୋଟିଆରେ ରାଜନୈତିକ ଲଢ଼େଇ ନୂଆ ନୁହେଁ, କିନ୍ତୁ ପ୍ରତ୍ୟେକ ଥର ଏହି ବିବାଦ ତୀବ୍ର ହେଲେ ସାମ୍ନାକୁ ଆସେ ମୌଳିକ ସୁବିଧା, ପ୍ରଶାସନିକ ଉପସ୍ଥିତି ଓ ସୀମା ସୁରକ୍ଷାର ପ୍ରଶ୍ନ । କଂଗ୍ରେସର ଭୋଟ ବର୍ଜନ ଡାକରା ହେଉ କି ବିଜେଡି ଓ ବିଜେପି ମଧ୍ୟରେ ଆରୋପ-ପ୍ରତ୍ୟାରୋପ, କୋଟିଆବାସୀଙ୍କ ଦୈନନ୍ଦିନ ସମସ୍ୟାର ସମାଧାନ ହିଁ ହେବା ଉଚିତ୍ ମୁଖ୍ୟ ଲକ୍ଷ୍ୟ ।
