କ୍ୟାବିନେଟ: ନବୀକରଣୀୟ ଶକ୍ତି ନୀତିରେ ବଡ଼ ସଂଶୋଧନ

ଭୁବନେଶ୍ବର: ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି । ରାଜ୍ୟ କ୍ୟାବିନେଟ ୬ଟି ବିଭାଗର ୧୦ଟି ପ୍ରସ୍ତାବକୁ ଅନୁମୋଦନ ଦେଇଛନ୍ତି । ନବୀକରଣୀୟ ଶକ୍ତିର ବିସ୍ତାରକୁ ତ୍ୱରାନ୍ୱିତ କରିବା, Battery Energy Storage System (BESS) ପ୍ରକଳ୍ପକୁ ସମର୍ଥନ, ପବନ ଶକ୍ତି ପ୍ରକଳ୍ପର ବିକାଶ ଏବଂ ଉପଭୋକ୍ତାଙ୍କ ସହଭାଗିତା ବଢ଼ାଇବା ପାଇଁ Odisha Renewable Energy Policyରେ ସଂଶୋଧନ ପ୍ରସ୍ତାବକୁ ଅନୁମୋଦନ ମିଳିଛି । ନେଟ ମିଟରିଂ ଉପଭୋକ୍ତାଙ୍କ ପାଇଁ ପ୍ରତି ୟୁନିଟ ୫୦ ପଇସା ବିଦ୍ୟୁତ ଶୁଳ୍କ ଛାଡ଼ ଏବଂ ରାଜ୍ୟରେ କମିଶନ ହୋଇଥିବା ସ୍ୱତନ୍ତ୍ର BESS ପ୍ରକଳ୍ପ ପାଇଁ STU ଚାର୍ଜରେ ପ୍ରତି ୟୁନିଟ ୨୦ ପଇସା ଛାଡ଼ ବ୍ୟବସ୍ଥା ରହିଛି । ପବନ ଶକ୍ତି ପ୍ରକଳ୍ପ ବଣ୍ଟନରେ ପୂର୍ବରୁ ଥିବା ୫୦୦ MW ସୀମାକୁ ହଟାଇବା ଏବଂ ଆଗାମୀ କ୍ଷମତା ସୀମା ସରକାରୀ ନିର୍ଦ୍ଦେଶିକା ମାଧ୍ୟମରେ ଧାର୍ଯ୍ୟ କରିବାର ବ୍ୟବସ୍ଥା ହୋଇଛି । ଏହା ସହ ୨୫୦ MW ପର୍ଯ୍ୟନ୍ତ Wind Parks ପାଇଁ shared plug-and-play infrastructure ମାଧ୍ୟମରେ ପ୍ରକଳ୍ପ ବିକାଶକୁ ପ୍ରୋତ୍ସାହନ ଦିଆଯିବ ।