Garvita Odia
ଦେବଗଡ଼:ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ ଆଜି ପୁରୁଣା ମେଡିକାଲର ସମ୍ମିଳନୀ କକ୍ଷରେ ବିଶ୍ବ ଦୃଷ୍ଟି ଦିବସ ପାଳିତ ହୋଇଯାଇଛି।ସିଡିଏମଓ ଡା.ସଂଘମିତ୍ରା ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ଜିଲ୍ଲା ଜନସ୍ବାସ୍ଥ୍ୟ ଅଧିକାରୀ ଡା.ପ୍ରଭାତ ଓଝା, ଚକ୍ଷୁ ରୋଗ ବିଶେଷଜ୍ଞ ଡା.ଦୀପକ ଜ୍ୟୋତି ମହାନ୍ତି, ଡିପିଏମ ସୁଶାନ୍ତ ପ୍ରହରାଜ,ଏନଏନଏମ ଟ୍ରେନିଂର ସେଣ୍ଟର ଅଧ୍ୟକ୍ଷା ସରସ୍ବତୀ କୁମୁରା,ପରମେଶ୍ବର ସେଠୀ ପ୍ରମୁଖ ଯୋଗ ଦେଇ ନିଜ ଆଖିକୁ ଭଲ ପାଆନ୍ତୁ ଏବଂ ଏହାର ଯତ୍ନ ନେବା ସଂପର୍କରେ ଆଲୋକପାତ କରିଥିଲେ। କାର୍ଯ୍ୟକ୍ରମକୁ ଭାରପ୍ରାପ୍ତ ସହକାରୀ ଜନସ୍ବାସ୍ଥ୍ୟ ଯୋଗାଯୋଗ ଅଧିକାରୀ ଅମରେଶ ଶତପଥି ପରିଚାଳନା କରିଥିଲେ।ଏହି ଅବସରରେ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଏଥିରେ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା।କାର୍ଯ୍ୟକ୍ରମରେ ଏନଏନଏମ ଛାତ୍ରୀ, ଆଶା କର୍ମୀ,ସ୍ବାସ୍ଥ୍ୟ ବିଭାଗର କର୍ମଚାରୀମାନେ ଉପସ୍ଥିତ ଥିଲେ।
