Garvita Odia
ଭୁବନେଶ୍ବର : ସରିଛି ରାଜ୍ୟସଭା ନିର୍ବାଚନ ତଥାପି କ୍ରସଭୋଟିଂକୁ ନେଇ ରାଜନୀତି ଥମିବାର ନାଁ ନେଉନି । ଏବେ ମଧ୍ୟ ଚାଲିଛି କାଦୁଆଫିଙ୍ଗା ରାଜନୀତି । ଦୀର୍ଘଦିନ ପରେ ମୁହଁ ଖୋଲିଛନ୍ତି ବିଜେଡିର ବରିଷ୍ଠ ନେତା ପ୍ରଣବ ପ୍ରକାଶ ଦାସ । ରାଜ୍ୟସଭାରେ କ୍ରସ ଭୋଟିଂକୁ ନେଇ ବବି ପ୍ରଭାତ ବିଶ୍ବାଳ ଏବଂ ପୁଅ ସୌଭିକଙ୍କୁ ଟାର୍ଗେଟ କରିଛନ୍ତି । ଯାହାର ଜବାବ ପ୍ରଭାତ ରଖିଥିବା ମଧ୍ୟ ଦେଖିବାକୁ ମିଳିଛି । ଏକ ସଭା ମଞ୍ଚରୁ ପ୍ରଣବ ପ୍ରଭାତଙ୍କୁ ସମାଲୋଚନା କରିଥିବାବେଳେ ଏହା ବେଶ ଭାଇରାଲ ମଧ୍ୟ ହୋଇଛି । ଆଉ ଏବେ ଏହାର ଗଣମାଧ୍ୟମରେ ରଖିଛନ୍ତି ପ୍ରଭାତ ।
ପ୍ରଣବ କହିଛନ୍ତି କି, କୁତା ବଫାଦାର କିନ୍ତୁ ପ୍ରଭାତ କୃତଘ୍ନ । ରାଜ୍ୟସଭା ନିର୍ବାଚନରେ ବିଜେଡି ପ୍ରାର୍ଥୀଙ୍କୁ ଭୋଟ୍ ଦେବାକୁ ୮ କୋଟି ଟଙ୍କା ମାଗିଥିଲେ ପ୍ରଭାତ । ବାକି ଶୁଝିବା ପାଇଁ ଏହି ଟଙ୍କା ମାଗିଥିବାବେଳେ ବିଧାୟକ ଦ୍ରୁବ ସାହୁ ଏହାର ସାକ୍ଷୀ ରହିଥିବା ମଧ୍ୟ କହିଛନ୍ତି । ୨୪ ଘଣ୍ଟା ସେ ନିଜର ସ୍ବାର୍ଥରେ ରୁହନ୍ତି । ଆଉ ଏବେ ନିଜକୁ ସାଧୁ ବୋଲି କହୁଛନ୍ତି । ଭଲ ସାଧୁ କେବେ ଏତେ କଥା କୁହନ୍ତି ନାହିଁ । ସେ ଭଣ୍ଡ ସାଧୁ । ସେ କହୁଛନ୍ତି ଖଇରିଆ ପିନ୍ଧିଛି ? କିଏ ତୁମକୁ କହୁଥିଲା ବୋଲି ମଧ୍ୟ ପ୍ରଶ୍ନ କରିଛନ୍ତି ।
ଏହାସହ ମିଡନାଇଟ୍ ଅପରେସନ ସମ୍ପର୍କରେ କହିଛନ୍ତି କି, ଯଦି ମୁଁ ଥିଲି ତାହେଲେ ଆଜି କେମିତି ବିଜେଡିରେ ସଂଗଠନ ସମ୍ପାଦକ ରହିଛି । ତୁ ଯଦି ଠିକ୍ ଥିଲୁ କାହିଁକି ଦଳରୁ ବିଦା ହୋଇଛୁ । ଏହାସହ ପୁଅ ସୌଭିକ ଯେଉଁଦିନ ବାପାଙ୍କୁ ଟିକେଟ ଦିଆଗଲା ନାହିଁ ସେ ସେଦିନ ବାପାଙ୍କୁ କହିଲେନି ଚାଲନ୍ତୁ ସ୍ବାଧିନ ଲଢ଼ିବା । ଏବେ ବିଜେଡି ଟିକେଟରେ ଜିତିବା ପରେ କହୁଛନ୍ତି ଆମେ ସ୍ବାଧିନ । ୨୦୧୯ ଏବଂ ୨୦୨୪ରେ ବିଜେଡି ଟିକେଟରେ ଜିତିଲେ । ସେମାନେ ମୋ ପାଖକୁ ଆସି ବହୁକିଛି ନେଇଛନ୍ତି ଯାହା କହିହେବନି । ଯଦି ଆବଶ୍ୟକ ପଡ଼େ ଡକ୍ୟୁମେଣ୍ଟ ସହ ଦେଖାଇବି । ମୁଁ ଜାଣିଛି ଏକଥାକୁ ନେଇ ସେ ମୁହଁ ଖୋଲିବେ କାରଣ ସେ ଜଣେ ପାଗଳ ।
ଏହାସହ ବବି କହିଛନ୍ତି କି, ସଂନ୍ତୃପ୍ତ ମିଶ୍ର ତୁମର କଣ ଖାଇଲେ ବୋଲି ମଧ୍ୟ ପ୍ରଶ୍ନ କରିଛନ୍ତି । ସେ ଜଣେ ଭଦ୍ର ଲୋକ ତାଙ୍କୁ ବିରୋଧ କଲ । କଟକ ଚୌଦ୍ବାର ହେଉଛି ବିଜୁବାବୁଙ୍କ ଜାଗା । ଯେତେବେଳେ ବିଜୁବାବୁଙ୍କ ବିରୋଧରେ ବିଜେପି ସାଂସଦ କହିଲେ ସେତେବେଳେ ବାପା ପୁଅ କୋଉଠି ଥିଲ ? ଏହାସହ ଆପଣ ଯାଇ ଧ୍ରୁବ ସାହୁଙ୍କୁ ପଚାରନ୍ତୁ ପ୍ରଭାତ ୮ କୋଟି ମାଗିଥିଲେ କି ନାହିଁ ? ବାପାଙ୍କ ପାଇଁ ଓକିଲାତି କରୁଥିବା ପୁଅ ୨୦୧୯ରେ ଟିକେଟ ନେଲା କାହିଁକି ?
ସେପଟେ ବବିଙ୍କ ଏଭଳି କଟାକ୍ଷ ପରେ ଜବାବ ରଖିଛନ୍ତି ପ୍ରଭାତ ବିଶ୍ବାଳ । ସେ କହିଛନ୍ତି କି, ମୁଁ ଫେବୃଆରୀ ୨୮ ତାରିଖରୁ ବହିସ୍କାର ହେଲିଣି । ବବିବାବୁ କଣ କରୁଥିଲେ ? ସେ କଣ ଖଜୁରୀ ରସ ପିଇ ଶୋଇଥିଲେ କି ? ଏବେ ଉଠିଲେ ଆଉ ବାଉଳି ହେଉଛନ୍ତି । ଆଉ ଟିକେ ତାଙ୍କ ନିଶା ଛାଡ଼ୁ ସବୁ କହିବି ବୋଲି କହିଛନ୍ତି ପ୍ରଭାତ ବିଶ୍ବାଳ । ମୁଁ କେବେ ମଧ୍ୟ ୮ କୋଟି ମାଗିନାହିଁ । ମୁଁ ୧୭ରେ ମା’ଙ୍କ ପାଖକୁ ଯାଉଛି । ୧୮ କି ୧୯ରେ ଫେରିଲେ ରାଜ୍ୟବାସୀଙ୍କୁ ସବୁ କହିବି । ମୁଁ ଫେରିଲେ ପୁଣି ଧଳା ପୋଷାକ ପିନ୍ଧିବି । ମୁଁ ଦୁଇ ଜଣଙ୍କ ପାଇଁ ଖଇରିଆ ପିନ୍ଧିଥିଲି । ମୁଁ କେବେ କୃତଘ୍ନ ନୁହେଁ କାହାକୁ ଟଙ୍କାଟେ ମଧ୍ୟ ମାଗିନାହିଁ ବୋଲି କହିଛନ୍ତି ପ୍ରଭାତ ବିଶ୍ବାଳ ।
