Garvita Odia
ରାଇକିଆ: ଆଗାମୀ ଶାରଦୀୟ ପୂଜା ଏବଂ ମା’ ବନଦୁର୍ଗାଙ୍କ ଜନ୍ମୋତ୍ସବ ପାଳନ ନେଇ ରାଇକିଆ ପୂଜା କମିଟି ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ବୈଠକ ସ୍ଥାନୀୟ ମା’ ବନଦୁର୍ଗା ମନ୍ଦିର ପରିସରରେ ଅନୁଷ୍ଠିତ ହୋଇଛି। ପୂଜାକୁ ଶୃଙ୍ଖଳିତ ଓ ଭକ୍ତିମୟ ପରିବେଶରେ ପାଳନ କରିବା ସହ ଆୟୋଜନର ବିଭିନ୍ନ ଦିଗ ନେଇ ବୈଠକରେ ଆଲୋଚନା କରାଯାଇଥିଲା।ବୈଠକରେ ପୂଜା କମିଟି ସଭାପତି ସତ୍ୟବାନ ପାତ୍ର, ସାଧାରଣ ସମ୍ପାଦକ ସନ୍ତୋଷ କୁମାର ଲେଙ୍କା, କୋଷାଧ୍ୟକ୍ଷ ସୁରେନ୍ଦ୍ର ପଣ୍ଡାଙ୍କ ସମେତ ଉପଦେଷ୍ଟା ମଣ୍ଡଳୀ ଉପସ୍ଥିତ ଥିଲେ। ଏଥିସହ ଦୁର୍ଯ୍ୟୋଧନ ଲେଙ୍କା, ସୁଶୀଳ ତ୍ରିପାଠୀ, ରାଜମୋହନ ଦିଗାଳ, ଅଭିମନ୍ୟୁ ପଣ୍ଡା, ନାରାୟଣ ପାତ୍ର, ମିଟୁ ବିଶ୍ୱାଳ, ସନ୍ତୋଷ ସାହୁ ଓ ଚିଣ୍ଟୁ ପାଣିଗ୍ରାହୀ ଙ୍କ ସମେତ ପୂଜା କମିଟିର ସମସ୍ତ ସଦସ୍ୟ ଏବଂ ଗ୍ରାମବାସୀ ଯୋଗଦେଇଥିଲେ।
ଚଳିତବର୍ଷ ପୂଜା ଅବସରରେ ଭକ୍ତଙ୍କ ସମାଗମ, ପୂଜା ପରିଚାଳନା, ମନ୍ଦିର ପରିସରରେ ଶୃଙ୍ଖଳା ବଜାୟ ରଖିବା ଓ ବିଭିନ୍ନ କାର୍ଯ୍ୟକ୍ରମକୁ ସୁଚାରୁ ଭାବେ ସମ୍ପାଦନ କରିବା ନେଇ ସଦସ୍ୟମାନେ ମତ ରଖିଥିଲେ। ଗ୍ରାମବାସୀଙ୍କ ସହଯୋଗ ଓ ସହଭାଗିତାରେ ଶାରଦୀୟ ପୂଜା ଏବଂ ମା’ ବନଦୁର୍ଗାଙ୍କ ଜନ୍ମୋତ୍ସବକୁ ସଫଳ କରିବା ପାଇଁ କମିଟି ପକ୍ଷରୁ ଆହ୍ବାନ ଦିଆଯାଇଥିଲା।
ରିପୋର୍ଟର ଦୁତି କୃଷ୍ଣ ପଣ୍ଡା
