ସୁଭଦ୍ରା ଦ୍ଵିତୀୟ କିସ୍ତିରୁ ବାଦ ପଡିଛନ୍ତି ୧ ଲକ୍ଷ ୮୩ ହଜାର ୭୮୫ ମହିଳା

ଭୁବନେଶ୍ବର : ସୁଭଦ୍ରା ଦ୍ଵିତୀୟ କିସ୍ତିରୁ ବାଦ ପଡିଛନ୍ତି ଏକ ଲକ୍ଷ ୮୩ ହଜାର ୭୮୫ ମହିଳା । ଏକ କୋଟି ୬୫ ହଜାର ୮୭୭ ମହିଳା ପ୍ରଥମ କିସ୍ତି ପାଇଥିଲେ। ଦ୍ଵିତୀୟ କିସ୍ତି ପାଇଛନ୍ତି ୯୮ ଲକ୍ଷ ୮୨ହଜାର ୯୨ ଜଣ ମହିଳା। ପ୍ରଥମ କିସ୍ତିରେ ସରକାର ସୁଭଦ୍ରା ହିତାଧିକାରୀଙ୍କୁ ମୋଟ ୫ହଜାର ୩୨ କୋଟି ୯୩ ଲକ୍ଷ ୮୫ ହଜାର ପଠାଇଥିଲେ। ତେବେ ଦ୍ଵିତୀୟ କିସ୍ତିରେ ୪ ହଜାର ୯୪୧ କୋଟି ୪ ଲକ୍ଷ ୬୦ ହଜାର ଟଙ୍କା ପଠାଯାଇଛି। ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ବିଧାନସଭାରେ ବିଧାୟକ ମନୋହର ରନ୍ଧାରୀଙ୍କ ପ୍ରଶ୍ନର ଏହି ଉତ୍ତର ରଖିଛନ୍ତି।

ଆବେଦନକାରୀଙ୍କୁ ସୁଭଦ୍ରା ଯୋଜନାରେ ଆର୍ଥିକ ସହାୟତା ଦେବା ପାଇଁ ସରକାର ନିଷ୍ପତ୍ତି ନେଇଛନ୍ତି। ୨୦୨୪-୨୫ ଆର୍ଥିକ ବର୍ଷ ପାଇଁ ଯେଉଁ ମହିଳାମାନେ ୧।୭।୨୦୨୪ ସୁଦ୍ଧା ୨୧ ବର୍ଷ କିମ୍ବା ଅଧିକ ଓ ୬୦ ବର୍ଷରୁ କମ ହୋଇଥିବ ସେମାନେ ସୁଭଦ୍ରା ସହାୟତା ପାଇଁ ଆବେଦନ କରିପାରିବେ। ଯେଉଁ ମହିଳା ୨ଟି କିସ୍ତି ପାଇସାରିବା ପରେ ୫୯ ବୟସ ଅତିକ୍ରାନ୍ତ କରୁଛନ୍ତି ସେ ୬୦ ବୟସ ପହଞ୍ଚିବା ପର୍ୟ୍ୟନ୍ତ କିସ୍ତି ପାଇ ପାରିବେ ବୋଲି ଉପମୁଖ୍ୟମନ୍ତ୍ରୀ ସୂଚନା ଦେଇଛନ୍ତି।

ସୁଭଦ୍ରା ଯୋଜନାରେ ରାଜ୍ୟ ସରକାର ମୋଟ ୨ଟି କିସ୍ତିରେ କେତେ ଜଣ ମହିଳାଙ୍କୁ ସୁଭଦ୍ରା ଯୋଜନାରେ କେତେ ଟଙ୍କା ଦେଇଛନ୍ତି। ଆଉ କେତେ ମହିଳାଙ୍କୁ ଦେବା ପାଇଁ ନିଷ୍ପତ୍ତି ନେଇଛନ୍ତି। ଯେଉଁ ମହିଳାମାନେ ଏବେ ୨୧ ବର୍ଷରେ ପହଞ୍ଚିବେ ସେମାନେ ନୂତନ ଭାବେ ଆବେଦନ କରିବେ କି। ଯେଉଁ ମହିଳା ୨ଟି କିସ୍ତି ପାଇ ସାରିବା ପରେ ୫୯ ବର୍ଷ ଅତିକ୍ରମ କରୁଛନ୍ତି ସେ ମହିଳା ଆଉ ସୁଭଦ୍ରା କିସ୍ତି ପାଇବେ କି ବିଧାନସଭାରେ ବିଧାୟକ ମନୋହର ରନ୍ଧାରୀ ଉପମୁଖ୍ୟମନ୍ତ୍ରୀଙ୍କୁ ଏ ନେଇ ପ୍ରଶ୍ନ ପଚାରିଥିଲେ।