Garvita Odia
ଛତ୍ରପୁର : ହନୁମାନ ମନ୍ଦିରରୁ ଚୋରି, ସୁନା ଅଳଙ୍କାର, ରୂପା ସମେତ ହୁଣ୍ଡିକୁ ଟେକିନେଲେ ଦୁର୍ବୃତ୍ତ । ଆନୁମାନିକ ମୂଲ୍ୟ ୫୦ ଲକ୍ଷରୁ ଅଧିକ ହେବ । ଛତ୍ରପୁର ଥାନା ଅଧିନ କୁମାରବେଗପଲ୍ଲୀ ଗାଁରେ ଥିବା ହନୁମାନ ମନ୍ଦିରରୁ ସୁନା ଅଳଙ୍କାର, ସମେତ ହୁଣ୍ଡି, ରୂପା ଅଳଙ୍କାର ଚୋରି ହୋଇଛି । ଗତକାଲି ରାତିରେ ପୂଜକ ପୂଜା ସାରି ଘରକୁ ଯାଇଥିଲେ । ଆଜି ସକାଳୁ ମନ୍ଦିରକୁ ଆସି ଦେଖିଲା ବେଳକୁ ତାଲା ଭାଙ୍ଗି ଥିବାବେଳେ ହନୁମାନଙ୍କ ସୁନାର ଆଖିର, ସୁନାର ଚିତା, ରୂପାର ଗଦା, ପର୍ବତ, ରାମ, ଲକ୍ଷଣ, ସୀତାଙ୍କ ରୂପାର ବିଭିନ୍ନ ଅଳଙ୍କାର ଲୁଟି ନେବା ସହ ହୁଣ୍ଡିକୁ ଟେକି ନେଇଛନ୍ତି ଦୁର୍ବୃତ୍ତ ।
ଘଟଣାର ଖବର ପାଇ ପୁଲିସ ଆସି ତଦନ୍ତ କରିଛି । ଏପରିକି ମନ୍ଦିର ସିସିଟିଭି ଘଟଣାର ଦୃଶ୍ୟ କଏଦ ହୋଇଛି । ଦୁର୍ବୃତ୍ତମାନେ ମୁହଁ ଘୋଡାଇ ଏହି ଘଟଣା ଘଟେଇଛନ୍ତି । ହୁଣ୍ଡି ୭ ବର୍ଷ ହେଲା କଢ଼ା ଯାଇନାହିଁ ।
