୯ଟି ରାଜ୍ୟ ଏବଂ ୩ଟି କେନ୍ଦ୍ରଶାସିତ ଅଞ୍ଚଳରେ ଦ୍ଵିତୀୟ ପର୍ଯ୍ୟାୟ ବିଶେଷ ସଘନ ସଂଶୋଧନ ଆରମ୍ଭ

ଭୁବନେଶ୍ୱର,0୪/୧୧: ଭାରତ ନିର୍ବାଚନ ଆୟୋଗ ଭାରତୀୟ ସମ୍ବିଧାନର ଧାରା ୩୨୪, ଅନୁଚ୍ଛେଦ ୨୧, ଜନପ୍ରତିନିଧିତ୍ୱ ଆଇନ- ୧୯୫୦, ଭୋଟର ପଞ୍ଜୀକରଣ ଅଧିନିୟମ ୧୯୬୦ରେ ପ୍ରଦତ୍ତ କ୍ଷମତା ଅନୁଯାୟୀ ୯ ଟି ରାଜ୍ୟ ଏବଂ ୩ଟି କେନ୍ଦ୍ରଶାସିତ ଅଞ୍ଚଳରେ ବିଶେଷ ସଘନ ସଂଶୋଧନ (SIR) ପାଇଁ ନିର୍ଦ୍ଦେଶ ଦେଇଛନ୍ତି । ବିହାରରେ ବିଶେଷ ସଘନ ସଂଶୋଧନ (SIR) ସଫଳତାର ସହ ସମାପ୍ତ ହେବା ପରେ, ଦ୍ଵିତୀୟ ପର୍ଯ୍ୟାୟରେ ଛତିଶଗଡ଼, ଗୋଆ, ଗୁଜରାଟ, କେରଳ, ମଧ୍ୟପ୍ରଦେଶ, ରାଜସ୍ଥାନ, ତାମିଲନାଡୁ, ଉତ୍ତର ପ୍ରଦେଶ ଏବଂ ପଶ୍ଚିମବଙ୍ଗ ରାଜ୍ୟ ତା ସହିତ ଆଣ୍ଡାମାନ ଏବଂ ନିକୋବର, ଲକ୍ଷଦ୍ୱୀପ ଏବଂ ପୁଡୁଚେରୀ କେନ୍ଦ୍ରଶାସିତ ଅଞ୍ଚଳର ୩୨୧ ଜିଲ୍ଲା ଏବଂ ୧,୮୪୩ ବିଧାନସଭା ନିର୍ବାଚନମଣ୍ଡଳୀ (ACs) ରେ ପ୍ରାୟ ୫୧ କୋଟି ଭୋଟରଙ୍କୁ ଏହି ସଂଶୋଧନ କାର୍ଯ୍ୟକ୍ରମରେ ସାମିଲ କରାଯିବ ।
ସୂଚନା ଯୋଗ୍ୟ ଯେ, ଏହି ୧୨ ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ବିଶେଷ ସଘନ ସଂଶୋଧନ (SIR) ପାଇଁ ପରିଗଣନା ଆଜିଠାରୁ ଆରମ୍ଭ ହୋଇ ଡିସେମ୍ବର ୪, ୨୦୨୫ ତାରିଖ ପର୍ଯ୍ୟନ୍ତ ପ୍ରାୟ ଏକ ମାସ ଧରି ଚାଲୁ ରହିବ। ବିଶେଷ ସଘନ ସଂଶୋଧନ କରାଯାଉଥିବା ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ୨୭ ଅକ୍ଟୋବର ୨୦୨୫ ତାରିଖ ପର୍ଯ୍ୟନ୍ତ ଭୋଟର ତାଲିକାରେ ଥିବା ପ୍ରତ୍ୟେକ ଭୋଟରଙ୍କୁ ଏକ ପରିଗଣନା ଫର୍ମ (EF) ଉପଲବ୍ଧ କରାଯିବ ଯାହା ଆଂଶିକ ଭାବରେ ପୂର୍ବରୁ ପୂରଣ ହୋଇଥିବ । ସମସ୍ତ ୧୨ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ପରିଗଣନା ଫର୍ମ ବଣ୍ଟନ ଆରମ୍ଭ ହୋଇସାରିଛି ଏବଂ ପରିଗଣନା ଫର୍ମର ଶତପ୍ରତିଶତ ମୁଦ୍ରଣ ମଧ୍ୟ ହୋଇସାରିଛି।
ବିଶେଷ ସଘନ ସଂଶୋଧନ କାର୍ଯ୍ୟକୁ ଭୋଟରମାନଙ୍କ ପାଇଁ ସୁଗମ ଓ ସୁବ୍ୟବସ୍ଥିତ ଢଙ୍ଗରେ କରିବା ପାଇଁ ୫.୩ ଲକ୍ଷରୁ ଉର୍ଦ୍ଧ୍ୱ ବୁଥ୍ ସ୍ତରୀୟ ଅଧିକାରୀ, ୭.୬୪ ଲକ୍ଷ ବୁଥ୍ ସ୍ତରୀୟ ପ୍ରତିନିଧି, ୧୦,୪୪୮ ଜଣ ନିର୍ବାଚକ ପଞ୍ଜୀକରଣ ଅଧିକାରୀ (ERO)/ସହକାରୀ ନିର୍ବାଚକ ପଞ୍ଜୀକରଣ ଅଧିକାରୀ (AERO) ଏବଂ ୩୨୧ ଜଣ ଜିଲ୍ଲା ନିର୍ବାଚନ ଅଧିକାରୀ (DEO) ଙ୍କୁ ନିୟୋଜିତ କରାଯାଇଛି। ଗଣନା ସମୟରେ, ବୁଥ୍ ସ୍ତରୀୟ ଅଧିକାରୀମାନେ ପରିଗଣନା ଫର୍ମ ବଣ୍ଟନ ଏବଂ ସଂଗ୍ରହ ପାଇଁ ଅତି କମରେ ତିନିଥର ଘରରୁ ଘର ପରିଦର୍ଶନ କରିବେ । ମତଦାତାମାନେ https://voters.eci.gov.in/ ସାହାଯ୍ୟରେ ପରିଗଣନା ଫର୍ମର ବିବରଣୀ ପ୍ରଦାନ କରିବା ପାଇଁ ପୂର୍ବ ବିଶେଷ ସଘନ ସଂଶୋଧନ (SIR)ର ଭୋଟର ତାଲିକାରେ ସେମାନଙ୍କର ନାମ ଏବଂ ସମ୍ପର୍କୀୟଙ୍କ ନାମ ଯାଞ୍ଚ କରିପାରିବେ । ଅଧିକ ସହାୟତା ପାଇଁ, ଭୋଟରମାନେ ECINet ଆପରେ ‘Book a call with BLO’ ର ସୁବିଧା ବ୍ୟବହାର କରି ସମ୍ପୃକ୍ତ ବୁଥ୍ ସ୍ତରୀୟ ଅଧିକାରୀ ମାନଙ୍କ ସହିତ ଯୋଗାଯୋଗ କରିପାରିବେ ତାସହ ଟୋଲ୍-ଫ୍ରି ହେଲ୍ପଲାଇନ୍ ନମ୍ବର ୧୯୫୦ ବ୍ୟବହାର କରି ନିର୍ବାଚନ ସମ୍ପର୍କୀୟ ସମସ୍ୟାର ସମାଧାନର ରାସ୍ତା ପାଇପାରିବେ ।

  • Related Posts

    ଆଜି ଗୋଟିଏ ମଞ୍ଚରେ ଏକାଠି ହେବେ ମୋଦୀ ଓ ଟ୍ରମ୍ପ

    ଆଜି ଗୋଟିଏ ମଞ୍ଚରେ ଏକାଠି ହେବେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଫିଲିପାଇନ୍ସର ରାଜଧାନୀ ମନିଲାରେ ଆଜି ଆୟୋଜିତ ହେବ କ୍ୱାଡ୍ ନେତାଙ୍କ ଶିଖର ସମ୍ମିଳନୀ । ଏହି ବୈଠକରେ ମୋଦୀ ଓ…

    Continue reading
    ଖାଇକୁ ଖସିଲା ବୋଲେରୋ-ବସ୍‌, ୧୨ ମୃତ

    ନୂଆଦିଲ୍ଲୀ:  ଭୟଙ୍କର ସଡ଼କ ଦୁର୍ଘଟଣାରେ ମୃତ୍ୟୁର ତାଣ୍ଡବ ।  ଦୁଇ ଦୁଇଟି ଦୁର୍ଘଟଣାରେ ଚାଲିଗଲା ୧୨ ଜୀବନ । ୨୦ରୁ ଅଧିକ ଆହତ । ଉତ୍ତରାଖଣ୍ଡରେ ଦୁଇଟି ବଡ଼ ସଡ଼କ ଦୁର୍ଘଟଣା ଘଟିଛି । ରୁଦ୍ରପ୍ରୟାଗରେ ବୋଲେରୋ ଖାଇକୁ ଖସି ୪…

    Continue reading

    Leave a Reply

    Your email address will not be published. Required fields are marked *

    You Missed

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଆଜି ବିଶ୍ୱ ମଧୁମେହ ଦିବସ, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଯେତେ ଖାଇଲେ ବି ଓଜନ ବଢୁନି? ଡାଏଟ୍‌ରେ ଯୋଡନ୍ତୁ ଏହି ଖାଦ୍ୟ, ମାସକରେ ବଢିବ ୫ କେଜି

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଶୀତରେ ପିଲାଙ୍କୁ ଗାଧୋଇଦେବାକୁ ଡରୁଛନ୍ତି କି? ଜାଣନ୍ତୁ ଶିଶୁ ବିଶେଷଜ୍ଞଙ୍କ ୩ ଜରୁରୀ ଟିପ୍ସ

    ଜନତା ମଇଦାନରେ ଅନ୍ତର୍ଜାତୀୟ ବାଣିଜ୍ୟ ମେଳା-୨୦୨୬

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    ଆପଣ ବି ଡେରି ରାତିରେ ଖାଉଛନ୍ତି କି… ସାବଧାନ! ଆପଣ ହେବେ ଷ୍ଟ୍ରୋକର ଶିକାର!

    କମଳା ଚୋପାରୁ ଡ୍ରେସ୍‌ !