Garvita Odia
ଦେବଗଡ଼ ଜ଼ିଲ୍ଲା ରିଆମାଳ ବ୍ଲକ କୁଣ୍ଢେଇଗୋଳା ଥାନା କରଲଗା ଗ୍ରାମ ପଞ୍ଚାୟତ ଅନ୍ତର୍ଗତ ବରଖୋଳ ଗ୍ରାମରେ ଅନ୍ତେଷ୍ଟି କ୍ରିୟା ଭୋଜି ଖାଇ ଫେରୁଥିବା ବେଳେ ବଜ୍ରପାତ ମାରିବା ଫଳରେ ଜଣଙ୍କର ମୃତ୍ୟୁ ଘଟିଥିବା ବେଳେ ଚାରି ଜଣ ଗୁରୁତର ହୋଇଛନ୍ତି। ସୂଚନା ଅନୁସାରେ ଆଜି ବରଖୋଳ ଗ୍ରାମରେ ଏକ ଅନ୍ତେଷ୍ଟି କ୍ରିୟା ଭୋଜି ଖାଇ ଫେରୁଥିବା ସମୟରେ ସେହି ଅଞ୍ଚଳରେ ପ୍ରବଳ ଘଡଘଡି ହୋଇଥିଲା। ଫଳରେ ଭୋଜି ଖାଇ ନିଜ ଘରକୁ ଫେରୁଥିବା ସମୟରେ ବଜ୍ରପାତ ମାରିବା ଫଳରେ ସାବିତ୍ରୀ ମୁଣ୍ଡା (୫୫) ଘଟଣା ସ୍ଥଳରେ ମୃତ୍ୟୁ ଘଟିଛି। ପାଖରେ ଥିବା ବାସନ୍ତି ବାଲମୁଚ (୨୭),ରାଇମୁନି ମୁଣ୍ଡା (୨୮),ସିମା ମୁଣ୍ଡା(୨୫),ମାନି ଗାଗରାଇ(୩୫) ଗୁରୁତର ହୋଇଥିଲେ।ତେବେ ନିକଟରେ ଥିବା ଜନସାଧାରଣ ଦୌଡି ଆସି ଉଦ୍ଧାର କରିଥିଲେ। ସମସ୍ତଙ୍କୁ ଛେଣ୍ଡିପଦା ମେଡିକାଲକୁ ନିଆଯାଇଛି। ମୃତକଙ୍କ ଶବ ବ୍ୟବଚ୍ଛେଦ ପାଇଁ ଛେଣ୍ଡିପଦା ରଖାଯାଇଛି।ଅନ୍ୟ ଚାରି ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଅନୁଗୁଳ ପଠାଯାଇଛି।
