ନିଶା ମୁକ୍ତ ଭାରତ ଅଭିଯାନ,ବିକଶିତ ଭାରତର ପରିଚୟ

ଦେବଗଡ଼ :ବାରକୋଟ ବ୍ଲକ୍ ଅନ୍ତର୍ଗତ କେଲ୍ଡ଼ା ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଜିଲ୍ଲା ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତି କରଣ ବିଭାଗ ଏବଂ ଜୀବନ ଜ୍ୟୋତି ସମ୍ମନିତ ନିଶାମୁକ୍ତ ଓ ଥଇଥାନ କେନ୍ଦ୍ର କଣ୍ଢଳ ଙ୍କ ଆନୁକୂଲ୍ୟରେ ନିଶାମୁକ୍ତ ଭାରତ ଅଭିଯାନ ଓ ବିକଶିତ ଭାରତ ପରିଚୟ ସମ୍ପର୍କିତ ଏକ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି।କାର୍ଯ୍ୟକ୍ରମର ପ୍ରାରମ୍ଭରେ ଜୀବନ ଜ୍ୟୋତି ସମ୍ମନିତ ନିଶାମୁକ୍ତ ଓ ଥଇଥାନ କେନ୍ଦ୍ର ର କର୍ମୀ ହୃଷୀକେଶ ସାହୁ କାର୍ଯ୍ୟକ୍ରମ ଆୟୋଜନ ର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଅବଗତ କରିବା ସହ ନିଶାମୁକ୍ତ ଭାରତ ଅଭିଯାନ କାର୍ଯ୍ୟକ୍ରମ ଉପରେ ସୂଚନା ପ୍ରଦାନ କରିଥିଲେ।ଉକ୍ତ କାର୍ଯ୍ୟକ୍ରମରେ କେଲଡା ଗ୍ରାମ ପଞ୍ଚାୟତ ର କାର୍ଯ୍ୟ ନିର୍ବାହୀ ଅଧିକାରୀ ଅଭିଷେକ ପ୍ରଧାନ ଓ କେଲଡା ଗ୍ରାମ ପଞ୍ଚାୟତର ସରପଞ୍ଚ ରଞ୍ଜନ କୁମାର ସେଠୀ ଉପସ୍ଥିତ ରହି ନିଶର ଅପକାରିତା ଏବଂ ନିଶା ମୁକ୍ତ ସମାଜ ଗଠନ କରିବାରେ ପଞ୍ଚାୟତ ପ୍ରତିନିଧି ବିଭିନ୍ନ ବିଭାଗ ଦ୍ୱାରା ତୃଣମୂଳ ସ୍ତରରେ କାର୍ଯ୍ୟ କରୁଥିବା କର୍ମୀଙ୍କ ଭୂମିକା ଉପରେ ଆଲୋଚନା କରିଥିଲେ ।ପରେ ପରେ ଉପସ୍ଥିତ ଥିବା ଅତିଥି ଏବଂ ସମସ୍ତ ଅଂଶ ଗ୍ରହଣକାରୀ ଙ୍କୁ ନେଇ ନିଶକୁ ନା ସମ୍ବନ୍ଧେ ଏକ ଶପଥ ପାଠ ନିଆଯାଇଥିଲା।ଶେଷରେ ଜୀବନ ଜ୍ୟୋତି ସମ୍ମନିତ ନିଶାମୁକ୍ତ ଓ ଥଇଥାନ କେନ୍ଦ୍ର ର କର୍ମୀ ପ୍ରମୋଦ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ।