Garvita Odia
ବାରିପଦା: ବାରିପଦା ମଧୁବନ ଅଂଚଳରେ ଘଟିଛି ଏକ ଅଭାବନୀୟ ଘଟଣା । ନଡ଼ିଆ ଗଛରୁ ନଡ଼ିଆ ପଡ଼ି ଜଣେ ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ ଘଟିଛି । ମୃତ ଛାତ୍ର ଜଣକ ହେଲେ ଅଜୟ ପାତ୍ରଙ୍କ ପୁଅ ବାଦଲ(୧୧) । ମଙ୍ଗଳବାର ସ୍କୁଲରେ ବନ୍ୟା ରିଲିଫ ସାମଗ୍ରୀ ଦିଆଯାଉଥିଲା । ବାଦଲ ରିଲିଫ ସାମଗ୍ରୀ ଧରି ଘରକୁ ଫେରୁଥିବା ବେଳେ ବାଟରେ ଏକ ନଡ଼ିଆ ଗଛରୁ ନଡ଼ିଆଟିଏ ତା ମୁଣ୍ଡ ଉପରେ ପଡିଥିଲା । ଘରକୁ ଆସି ଏକଥା ପରିବାର ଲୋକଙ୍କ ଆଗରେ ଜଣାଇଥିଲା । ତେବେ ବୁଧବାର ସକାଳେ ମୁଣ୍ଡରେ ଅସହ୍ୟ ଯଂତ୍ରଣା ହେବାରୁ ତାକୁ ସ୍ଥନୀୟ ରଘୁନାଥ ମୁର୍ମୁ ମେଡିକାଲ କଲେଜରେ ଭର୍ତି କରାଯାଇଥିଲା । ଦିନ ପ୍ରାୟ ୧୧ଟା ବେଳେ ଚିକିତ୍ସାଧୀନ ଅବସ୍ଥାରେ ତା’ର ମୃତ୍ୟୁ ଘଟିଥିବା ଜଣାପଡିଛି । ଖବର ପାଇ ପୁଲିସ ଶବ ଜବତ କରି ବ୍ୟବଚ୍ଛେଦ କରିବା ସହ ଏ ନେଇ ଏକ ଅପମୃତ୍ୟୁ ମାମଲା ରୁଜୁ କରିଛି । ଏହି ଘଟଣାକୁ ନେଇ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି ।
