Garvita Odia
କଟକ : ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ବାରା ପରିଚାଳିତ ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା (ଓଟିଇଟି) ଫଳ ବୁଧବାର ପ୍ରକାଶ ପାଇଛି। ଚଳିତ ବର୍ଷ ୫୩,୩୧୪ଜଣ କୃତକାର୍ଯ୍ୟ ହୋଇଛନ୍ତି। ପାସ୍ହାର ୬୪.୪୮% ରହିଛି। ବୋର୍ଡ ୱେବ୍ସାଇଟ୍ (www.bseodisha.nic.inରେ ଫଳ ଉପଲବ୍ଧ ହୋଇଛି। ଏହି ପରୀକ୍ଷା ଜୁଲାଇ ୫ରେ ଅନୁଷ୍ଠିତ ହୋଇଥିଲା। ମୋଟ୍ ୯୭,୧୫୧ ପ୍ରାର୍ଥୀ ପରୀକ୍ଷା ଲାଗି ନାମ ପଞ୍ଜୀକରଣ କରିଥିଲେ। ପେପର-୧ ଲାଗି ୨୮,୮୨୧ ପ୍ରାର୍ଥୀ ଫର୍ମପୂରଣ କରିଥିବା ବେଳେ ୨୫,୯୯୧ ଜଣ ପରୀକ୍ଷା ଦେଇଥିଲେ। ୩୮୦ଜଣ ଅନୁପସ୍ଥିତ ରହିଥିଲେ। ତନ୍ମଧ୍ୟରୁ ୧୭,୦୬୫ଜଣ କୃତକାର୍ଯ୍ୟ ହୋଇଛନ୍ତି। ପାସ୍ହାର ୬୮.୨୮% ରହିଛି। ସେହିପରି ପେପର-୨ରେ ୬୮,୩୩୦ ପ୍ରାର୍ଥୀ ନାମ ପଞ୍ଜୀକରଣ କରିଥିଲେ। ତନ୍ମଧ୍ୟରୁ ୫୯,୭୪୦ ପରୀକ୍ଷା ଦେଇଥିବା ବେଳେ ୮୫୯୦ ଜଣ ଅନୁପସ୍ଥିତ ରହିଥିଲେ। ଉଭୟ ପେପରରେ ମୋଟ୍ ୫୩,୩୧୪ ପ୍ରାର୍ଥୀ କୃତକାର୍ଯ୍ୟ ହୋଇଥିବା ବେଳେ ପାସ୍ ହାର ୬୪.୪୮% ରହିଛି। କୃତକାର୍ଯ୍ୟ ହୋଇଥିବା ପ୍ରାର୍ଥୀମାନେ ସ୍ଥିରୀକୃତ ଦେୟ ପୈଠ କରି ବୋର୍ଡ ୱେବ୍ସାଇଟ୍ରୁ ପ୍ରମାଣପତ୍ର ଡାଉନ୍ଲୋଡ୍ କରିପାରିବେ। ଯେଉଁମାନେ କୃତକାର୍ଯ୍ୟ ହୋଇନାହାନ୍ତି; ସେମାନେ େସପ୍ଟେମ୍ବର ୫ରୁ ୧୨ ତାରିଖ ମଧ୍ୟରେ ଓଏମଆର ସିଟ୍ ଡାଉନ୍ଲୋଡ୍ କରିପାରିବେ ବୋଲି ବୋର୍ଡ ସଭାପତି ଶ୍ରୀକାନ୍ତ ତରେଇ ସୂଚନା ଦେଇଛନ୍ତି।
