Garvita Odia
ଦେବଗଡ଼:ଡ୍ରିମ୍ ଅରା ଇଣ୍ଡିଆ ପକ୍ଷରୁ ଦିଲ୍ଲୀରେ ଆୟୋଜିତ “ମିସ୍ ଟିନ୍ ଇଣ୍ଡିଆ –ଡ୍ରିମ୍ ଅରା ଇଣ୍ଡିଆ ୨୦୨୬ ସିଜନ୍-୧” ପ୍ରତିଯୋଗିତାରେ ସନାମୁଣ୍ଡାସ୍ଥିତ ପିଏମ ଶ୍ରୀ ଜବାହାର ନବୋଦୟ ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ରୀ ଏଲିନା ଲିନ୍ସି କିଣ୍ଡୋ ଅଂଶଗ୍ରହଣ କରି ସଫଳତା ହାସଲ କରିଛନ୍ତି।ଗତ ୩ ତାରିଖରେ ଅନୁଷ୍ଠିତ ପ୍ରତିଯୋଗିତାରେ ବିଭିନ୍ନ ପର୍ଯ୍ୟାୟରେ ଅଡିସନ୍ ରାଉଣ୍ଡ,ଗ୍ରୁମିଂ ରାଉଣ୍ଡ ଓ ଟ୍ୟାଲେଣ୍ଟ ରାଉଣ୍ଡ ଅନୁଷ୍ଠିତ ହୋଇଥିଲା।ଏଲିନା ନିଜର ପ୍ରତିଭା, ଆତ୍ମବିଶ୍ବାସ, ବ୍ୟକ୍ତିତ୍ଵ ଓ ମଞ୍ଚ ପ୍ରଦର୍ଶନ ମାଧ୍ୟମରେ ବିଚାରକମଣ୍ଡଳୀଙ୍କ ଦୃଷ୍ଟି ଆକର୍ଷଣ କରିଥିଲେ।ବିଶେଷକରି ତାଙ୍କର ସୁନ୍ଦର ବ୍ୟକ୍ତିତ୍ବ,ପ୍ରତିଭା ଓ ଆତ୍ମବିଶ୍ବାସପୂର୍ଣ୍ଣ ପ୍ରଦର୍ଶନ ତାଙ୍କୁ ଅନ୍ୟ ପ୍ରତିଯୋଗୀଙ୍କ ମଧ୍ୟରେ ସ୍ବତନ୍ତ୍ର ପରିଚୟ ଦେଇଛି।ଏହି ସଫଳତା ପଛରେ ବାପା ବଲବୀର କିଣ୍ଡୋ ଓ ମା ସୁସ୍ମିତା କୁଜୁରଙ୍କ ସମେତ ତାଙ୍କର ପରିବାର ଲୋକଙ୍କ ସହଯୋଗ ରହିଥିବା ସେ ପ୍ରକାଶ କରିଛନ୍ତି। ଏଲିନାଙ୍କ ଏହି ସଫଳତା ତାଙ୍କ ପରିବାର,ଶିକ୍ଷାନୁଷ୍ଠାନ ଓ ଜିଲ୍ଲା ପାଇଁ ଗର୍ବ ଓ ଗୌରବ ଆଣିଛି । ତାଙ୍କର ଏହି ସଫଳତା ଅନ୍ୟ ଯୁବପିଢ଼ିଙ୍କୁ ନିଜ ପ୍ରତିଭାକୁ ଆଗକୁ ନେବା ପାଇଁ ପ୍ରେରଣା ଯୋଗାଇବ ବୋଲି ଆଶା କରାଯାଉଛି।
