
ଦେବଗଡ:୫ ବର୍ଷୀୟ ନାବାଳିକାକୁ ଦୁଷ୍କର୍ମ କରିଛି ଜଣେ ଯୁବକ। ଏଭଳି ଅଭାବନୀୟ ଘଟଣା ଘଟିଛି ଦେବଗଡ ଥାନାଚଂଳରେ। ଏନେଇ ପୀଡିତାଙ୍କ ମା ଦେବଗଡ ଥାନାରେ ଅଭିଯୋଗ କରିବା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଏହାସହିତ ଆଜି ପୁଲିସ ଅଭିଯୁକ୍ତ ଗିରଫ କରିଛି। ଗିରଫ ଅଭିଯୁକ୍ତ ହେଲେ କୁଣ୍ଢେଇଗୋଳା ଥାନାର କରଲଗା ଗ୍ରାମର ଗୋଲିୟାଡ ଖାନ। ପୁଲିସ ଅଭିଯୁକ୍ତ ଆଜି କୋର୍ଟ ଚାଲାଣ କରିଛି। ସୂଚନା ଅନୁଯାୟୀ,ଦେବଗଡ ଥାନାଞ୍ଚଳର ଜଣେ ସ୍ବାମୀ ପରିତ୍ୟକ୍ତା ମହିଳା ନିଜ ପାଞ୍ଚ ବର୍ଷର ଶିଶୁ କନ୍ୟା ସହ ବାପା ଘରେ ରହି ଶ୍ରମିକ ଭାବେ କାମ କରୁଥିଲେ। ଗତକାଲି ପୀଡିତାର ମା କାମ ପାଇଁ ବାହାରକୁ ଯାଇଥିବା ବେଳେ ଘରେ ନାବାଳିକା ଜଣକ ଘରେ ଥିଲେ। ତେବେ ଅଭିଯୁକ୍ତ ଗୋଲିୟାଡ ନାବାଳିକାର ମାମୁଁଙ୍କ ସହ ସାଙ୍ଗ ହେଉଥିଲା। ତେବେ ଗତକାଲି ନାବାଳିକା ଜଣକ ଘରେ ଏକୁଟିଆ ଥିବା ସୁଯୋଗ ପାଇ ଅଭିଯୁକ୍ତ ଗୋଲିୟାଡ ନାବାଳିକାକୁ ଘର ପଛ କଡକୁ ନେଇ ଦୁଷ୍କର୍ମ କରିଥିଲା। ନାବାଳିକାର ଅବସ୍ଥା ସଂଙ୍କଟାପନ୍ନ ହେବାରୁ ତାଙ୍କୁ ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ପରେ ଅବସ୍ଥା ଗୁରୁତର ହେବାରୁ ନାବାଳିକାକୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କରାଯାଇଥିଲା। ଏନେଇ ପୀଡିତାର ମା ଦେବଗଡ ଥାନାରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତ ଗୋଲିୟାଡକୁ ଗିରଫ କରି କୋର୍ଟ ଚାଲାଣ କରିଛି।






